Is-sena li għaddiet id-dar tal-kotba Skarta (li tispeċjalizza fuq ammonti żgħar ta’ kopji) ppubblikat il-ġabra tal-poeżiji ta’ John Aquilina Leħnek il-Libsa Tiegħi.

Aquilina (1977) hu relattivament isem ġdid fil-kamp tal-poeżija Maltija għalkemm f’dawn l-aħħar snin il-poeżiji tiegħu dehru f’diversi antoloġiji u websajts. Il-poeta beda jikteb il-poeżija fl-1994.

L-avvent tiegħu imma bla dubju hu wieħed impresjonanti meta tqis l-ewwelnett il-kwalità ta’ vrusu (li jibqgħu jintrigawk anki wara li taqrahom) kif ukoll il-produzzjoni eċċellenti tal-ktieb li tebagħ. Ftit huma dawk il-poeti li jibdew l-avventura tagħhom fil-pubblikazzjoni b’dan il-mod.

Ta’ min jirrimarka għall-istorja, li s-sena li għaddiet, kienet waħda xotta u ftit rajna pubblikazzjonijiet fejn tidħol il-poeżija u żgur li l-kontribut ta’ Aquilina kien wieħed frisk u interessanti u li jinteressa u jintriga. Filfatt għall-Premju Nazzjonali tal-Ktieb ta’ din is-sena, hemm jikkonkorru biss tliet kotba fosthom dan ta’ Aquilina.

Aquilina ġej mid-dinja tax-Xjenzi u l-għalqa tiegħu hi l-Matematika li studjaha fl-Universitajiet ta’ Malta, Cambridge, u Bath. Hu inrteressanti kif donnha l-Matematika u x-Xjenza per se huma assenti mill-kwadretti poetiċi tiegħu. Għax Aquilina essenzjalment jikteb dwar il-bniedem.

Il-poeżija tiegħu bosta drabi hi konċiża imma tibqa’ tidwi fik. Hemm saffi differenti ta’ interpretazzjonijiet. Hemm kif kiteb Oliver Friggieri eżerċizzju maħdum bir-reqqa fit-tħaddim tal-metrika (anki dan il-fattur hu importanti għax bosta drabi l-metrika l-lum tiġi injorata mill-kittieba l-ġodda. B’metrika mhux nifhmu vrus tradizzjonali).

Il-poeta donnu hu maqbud bejn l-imħabba u l-mewt. Il-ħin kollu jipprovdi immaġnijiet marbuta man-natura speċjalment il-baħar.

Il-poeżija spiss hi indirizzata lil xi persuna moħbija li aktarx hi mara. Il-preżenza tagħha tfisser għall-poeta rebħa importanti: meta tkun miegħu jaqgħu żewġ kunċetti ewlenin iż-żmien u l-ispazju (La hawn Int).

Immanuel Mifsud jiddeskrivi din il-ġabra bħala poeżiji tal-qalb. Meta m’hemmx l-imħabba, ix-xenarju jaqleb għall-mewt jew għas-solitudni jew għall-uġigħ jew għan-niket. Imma anki fin-niket il-poeta jsib ċertu serħan. In-niket tiegħu b’dan il-mod jissaffa u jippurifika ruħu u jqarrbu lejn il-poeżija.

Drabi oħra jiddomina u jibqa’ jidwi l-baħħ etern. Aquilina jiddikjara li “mhux ħela d-dmugħ, jekk tkun qed tfur bin-niket.” (Meta Tolfoq).

Il-mewt donnu qed jippreżenta bħala passaġġ faċli u bżonnjuż. Il-poeżija Il-Mewt turi dan. Għalih l-immortalità mhi xejn ħlief pass monotonu (L-Immortali)

Għada nidra nimxi Waħdi hi fil-fehma tiegħi waħda mill-aħjar poeżiji fil-ġabra u fiha ritmu li jintrigak speċjalment meta l-poeta jiddikjara fil-vjaġġ “għad nidra nimxi waħdi,/u ma nfittixx lanqas il-kuntentizza. Xħin ma jarani ħadd narmi ħtijieti fi sqaq li baqa’ vojt, ngħattihom b’bikja.”

Il-produzzjoni tal-ktieb saret mill-artist Pierre Portelli li bosta jafuh għad-daqqa kreattiva tiegħu fil-qasam.

Fost l-oħrajn, id-dar tal-kotba Skarta ħarġet il-poeżiji ta’Adrian Grima, Immanuel Mifsud u Antoine Cassar u Joe Brincat.

Biex nissaħħu fl-Ilsien-Omm

2.MT ikompli l-vjaġġ sabiħ fit-tagħlim tal-Malti. Clare Azzopardi ħadmet dan il-proġett u tista’ tgħid li qed tipprovdi opportunità ta’ tagħlim alternattiv li ma jibqax ibbażat biss fuq dak li ndera.

2.MT huwa maħsub għat-tieni sena tal-fażi sekondarja. Il-ktieb jinbena minn tmien taqsimiet u kull taqsima tibda bit-test letterarju li tista’ tgħid kollha nkitbu għal dan il-ktieb minn awturi li normalment ħafna norbtu mal-vapur ta’ Merlin Publishers.

It-testi jvarjaw fl-istil u anki joħorġu mill-kuntest li test hu biss element letterarju. L-awturi jinkludu lil Simon Bartolo, Trevor Żahra, Mark Camilleri u Rita Saliba fost l-oħrajn.

Ma’ kull storja ma jonqsux ukoll il-mistoqsijiet jew attivitajiet għax illum il-kunċett ta’ taħriġ il-fehem qed jinbidel ukoll. Żmien ir-riproduzzjoni fidila ta’ test illum spiċċat. It-test fl-aħħar mill-aħħar irid jipprovaka u mhux jgħażżen.

It-taqsimiet tal-ktieb jindirizzaw erba’ ħiliet bażiċi fejn tidħol il-lingwa: il-qari, il-kitba, it-taħdit u s-smigħ. Xi ħaġa li tolqtok mill-ewwel hu t-tip ta’ kontenut li Azzopardi nkludiet: il-kultura f’sens wiesgħa.

Element interessanti huma l-podcasts fejn numru ta’ persunaġġi lokali qed jiġu ntervistati dwar il-ħidma tagħhom jew inkella stejjer. Il-persunaġġi intervistati minn Sergio Grech huma Charles Azzopardi, Charles Sammut, Ruben Zahra, Mark Scicluna u Rita Saliba.

Azzopardi jitkellem dwar il-kunflitt waqt li Saliba ġiet intervistata dwar il-proċess tal-kitba. Ruben Zahra jitkellem dwar l-għana waqt li Mark Scicluna ġie ntervistat dwar l-illustrazzjoni fil-kotba għat-tfal. Charles Sammut tkellem dwar l-attur.

Il-ktieb fih element ieħor interessanti: il-faċilità li l-istudent jibni portfoljo. Dan hu importanti għax il-portfoljo jagħti l-opportunità lill-istudent biex jiċċelebra l-ħiliet u l-kisbiet tiegħu. Għax it-tagħlim mhux l-istudju bl-amment kif ħafna għadhom jaħsbu u li ġġib ħafna marki kemm jista’ jkun qrib il-mija. L-awtriċi tissuġerixxi biex il-portfoljo jinbena ħabib tal-ambjent ukoll.

Il-ktieb jgħin ukoll lill-istudenti biex jiżviluppaw il-proċess tal-kitba u hawnhekk għandna elementi prattiċi kif dan jista’ jsir. Għax il-kitba wara kollox mhix sempliċi tbattil ta’ ideat fuq il-karta u kollox jieqaf hemm.

Il-ktieb ġie illustrat minn Nicole Diacono u jġib it-timbru ta’ Merlin Publishers.

Liġi Importanti għal-Libreriji Maltin

Il-Parlament Malti, ftit tal-ġimgħat ilu, għalaq liġi importanti ħafna: il-Liġi dwar it-twaqqif ta’ Libreriji Maltin. Il-Liġi hija mistennija li ġġib riformi importanti fil-qasam tal-libreriji f’Malta u fuq kollox terġa’ taħtar il-kariga importanti ta’ Librrar Nazzjonali li maż-żmien intilfet u fuq spalltu se jkollu bosta responsabiltajiet fosthom li jara li l-kollezzjoni nazzjonali fil-qasam tkun miġbura u mħarsa u li jara li l-livell tal-qari qalb il-poplu jitla’ permezz ta’ libreriji dinamiċi u ħajjin.

Irid jingħad sa mill-bidu, wara kollox kif anki qalet il-Ministru Cristina, fil-preżentazzjoni tal-Liġi fil-Parlament, li ma jfissirx li dan is-settur ma kellux ħaddiema validi li taw ħafna lill-pajjiż. Li qed jiġri llum hija li bis-saħħa ta’ Libreriji Maltin il-funzjonijiet se jitwessgħu u se jissaħħu. Wara kollox, kien hemm qbil tul dawn l-aħħar snin li l-Liġi li tħares il-libreriji għandha tkun aġġornata. Kien ġest pożittiv u importanti li gvern u oppożizzjoni qablu dwarha.

Inħoss li din il-Liġi għandha tkun interpretata fid-dawl ukoll tar-riformi importanti li għaddejjin fil-kamp edukattiv fejn il-mira hi li jkollna ċittadini aħjar, b’viżjoni ħolistika, ippreparati għad-dinja ta’ barra.

Il-Liġi qed tgħid li Libreriji Maltin se jkollha l-missjoni li tiżgura l-kompilazzjoni u l-konservazzjoni tal-wirt dokumentarju ta’ Malta għall-ġenerazzjonijiet preżenti u futuri u li żżomm u tiżviluppa l-libreriji u tinkoraġixxi l-ġbir tal-għerf tul il-ħajja.

Libreriji Maltin se tieħu post dak li dawn l-aħħar snin kien id-Dipartiment tal-Libreriji. Libreriji Maltin imma mhux se tkun kuntenta bil-wirt li għandha imma se jkollha r-responsabilità li tiġbor u tikseb iktar materjal għall-kollezzjoni nazzjonali u dan il-materjal qed dejjem jikber u maż-żmien intilef ħafna minnu. Eżempju żgħir hu l-materjal pubbliċitarju li nirċievu fi djarna. Dak teknikament ukoll hu wirt li għandu jinġabar għax jgħin riċerkatur ta’ għada jifhem l-istorja tal-istampar, l-istorja tan-negozju u ħwejjeġ oħra tal-lum. Hemm ukoll il-kwistjoni importanti tal-wirt diġitali li Libreriji Maltin ma tistax ma tidħolx għalih.

Libreriji Maltin trid tkun ċentru ta’ eċċellenza fil-materja u anki taħdem għat-taħriġ professjonali tal-librara li hu importanti. Dmirha se tkun li tiggwida fis-suġġett. Il-Liġi f’dan l-aspett ma tlaqlaqx.

Libreriji Maltin ingħatat ukoll dawn id-dmirijiet: li tgħin lill-Kunsilli Lokali biex il-libreriji tagħhom ikunu ta’ livell, ittejjeb il-kwalità tal-ħajja tal-individwu billi tipprovdi servizzi ta’ referenza u self, u taċċetta u tikseb rekords privati ta’ ċertu importanza.

Il-Liġi se toħloq tliet vakanzi ġodda: il-kariga ta’ Librar Nazzjonali u żewġ deputati librara: wieħed għall-Biblijoteka Nazzjonali u wieħed għal-Libreriji Pubbliċi.

Minn barra l-aspett amministrattiv, il-Librar Nazzjonali irid jara fost l-oħrajn li l-liġijiet marbuta mad-drittijiet tal-awtur u t-tixrid tal-informazzjoni jiġu rispettati, jiddisponi minn rekords fil-kustodja tiegħu li ma jiġġustifikawx il-preservazzjoni minn Libreriji Maltin, u jagħmel arranġamenti ma’ istituzzjonijiet oħra għall-immaniġġar jew il-konservazzjoni jew ir-restawr konġut ta’ libreriji jew materjal ta’ libreriji.

Id-dmirijiet tal-Viċi Librar tal-Biblijoteka Nazzjonali jinkludu l-immaniġġjar u l-konservazzjoni tal-kollezzjoni nazzjonali, it-tkabbir tal-kollezzjoni, organizazzjonijiet tal-kollezzjonijiet li jsiru iktar aċċessibli għar-riċerkaturi, u żvilupp tal-Biblijografija Nazzjonali.

Il-Viċi Librar tal-Libreriji se jkollu l-mandat li jsaħħaħ il-qari billi jara li l-libreriji huma attrezzati, jippromovi opportunitajiet għall-iżvilupp kreattiv personali u għall-għarfien tal-wirt kulturali, il-letteraturta, kisbiet xjentifiċi u innovazzjonijiet, jipprovdi pariri, gwida u assitenza professjonali dwar it-twaqqif u l-immaniġġjar ta’ libreriji u taħriġ tal-professjonisti tal-libreriji, jipprovdi servizzi ta’ informazzjoni għal individwi, intrapriżi lokali u assoċjazzjonijiet u jagħmel l-ishma u s-servizzi tal-libreriji magħrufa permezz ta’ wirjiet u attivitajiet u avvenimenti promozzjonali oħra.

Libreriji Maltin se jkollha wkoll Kunsill maħtur mill-Ministru li se jkun magħmul minn President, l-Arkivista Nazzjonali, il-Kap tad-Diviżjoni tal-Istudji dwar il-Libreriji, l-Informazzjoni u l-Arkivji fl-Università ta’ Malta, id-Direttur tad-Dipartiment tal-Kunsilli Lokali u mhux aktar minn tliet persuni magħżula minn fost dawk il-persuni attivi fil-qasam. Wieħed minnhom se jinħatar wara konsultazzjoni mal-Ministru għal Għawdex u ieħor wara konsultazzjoni mal-assoċjazzjonijiet tal-Librara.

Kull kunsill itul tliet snin u għandu dawn id-dmirijiet xi jwettaq: promozzjoni tal-ħidma ta’ Libreriji Maltin, jiżgura u jiffaċilita l-kollaborazzjoni bejn il-partijiet interessati differenti, jagħti parir lill-Ministru u lil-Librar Nazzjonali dwar immaniġjar tal-Libreriji f’Malta, jiġbed l-attenzjoni għal xi azzjoni urġenti meħtieġa għall-immaniġġjar tal-libreriji u jiltaqa’ u jikkonsulta mill-inqas darba fis-sena mal-persuni li jżommu libreriji mhux governattivi u mal-organizazzjonijiet li jaħdmu fil-qasam tal-libreriji.

Il-Liġi bla dubju se tkun katalista biex fil-qasam tinfetaħ era ġdida.

Jiftaħ it-Tielet Edizzjoni tal-Konkors Rumanzi għaż-Żgħażagħ

L-Aġenzija Żgħażagħ flimkien mal-Kunsill Nazzjonali tal-Ktieb qed iniedu t-tielet edizzjoni tal-Konkors “Letteratura għaż-Żgħażagħ” biex jixprunaw il-letteratura Maltija maħsuba għall-età tal-adolexxenza. Għall-iskop ta’ dan il-konkors, b’‘żgħażagħ’, l-organizzaturi qed jifhmu adolexxenti li għandhom bejn 12 u 17-il sena. Għal din l-età hu mistenni li jkun hemm letteratura differenti: li la hi għat-tfal u lanqas għall-adulti.

Dan il-konkors huwa miftuħ biss għal manuskritti li jitrattaw l-età tal-adolexxenza, li jfisser żgħażagħ ta’ bejn 12 u 17-il sena. Fil-konkors jista’ jieħu sehem kulħadd.

Ix-xogħol irid ikun bil-lingwa Maltija, jrid ikun oriġinali u qatt ma deher ippubblikat, la sħiħ u lanqas xi partijiet minnu. Il-manuskritt m’għandux inkun inqas minn 20,000 kelma u m’għandux jaqbeż il-25,000 kelma.

Kull kompetitur jista’ jissottometti sa tliet manuskritti, iżda ma jistax jirbaħ aktar minn premju wieħed. Ta’ kull manuskritt għandu jkunu ppreżentati tliet kopji li ma jingħatawx lura. Id-drittijiet kollha jibqgħu tal-propjetarju tal-manuskritt.

L-awtur tal-manuskritt għandu juża nome de plume. F’envelope separat u ssiġillat, l-awtur jagħti dawn id-dettalji: isem, età, indirizz, numru tal-mowbajl, numru tat-telefown u indirizz elettroniku (e-mail).

Għandu jkun hemm ukoll dikjarazzjoni li dan hu xogħol oriġinali, li qatt ma ġie ppubblikat qabel jew xi partijiet minnu u li qatt ma tah lil xi pubblikatur.

Il-President, is-Segretarju u d-Direttur Eżekuttiv tal-Kunsill Nazzjonali tal-Ktieb, uffiċjali fl-Aġenzija Żgħażagħ u l-familjari (sal-ewwel grad) ta’ dawn imsemmija ma jistgħux jieħdu sehem f’dan il-konkors.

Il-manuskritti għandhom jaslu għand id-Direttur Eżekuttiv tal-Kunsill Nazzjonali tal-Ktieb sal-31 ta’ Ottubru 2011, fl-uffiċċju tal-Kunsill Nazzjonali tal-Ktieb, fil-Librerija Pubblika Ċentrali, il-Furjana.

Id-deċiżjoni tal-ġurija hija finali u ma tistax tkun kontestata. Kull deċiżjoni meħuda mill-Aġenzija Żgħażagħ u mill-Kunsill Nazzjonali tal-Ktieb dwar it-tmexxija tal-Konkors, fid-dettalji kollha tiegħu, hija finali.

It-testi rebbieħa se jkunu tnejn. Iż-żewġ rebbieħa jitqiesu fi grad indaqs u ma jkunx hemm l-ewwel u t-tieni premju, imma premju wieħed għal kull rebbieħ.Il-kittieba rebbieħa jieħdu €1000 u trofew kommemorattiv kull wieħed.

Jingħata premju speċjali ta’ €500 lil dak l-awtur żagħżugħ ta’ bejn it-13 u t-30 sena li jkun ipproduċa manuskritt li jipprometti fil-konkors imma ma jkunx ħa wieħed miż-żewġ premjijiet ewlenin. Dan l-awtur jingħata wkoll il-possibiltà li jiltaqa’ ma’ pubblikaturi li jgħinuh kif itejjeb il-pubblikazzjoni tiegħu għall-futur.

Jekk il-livell mixtieq ma jintlaħaqx, l-organizzaturi jirriservaw id-dritt li l-premju ma jingħatax.

Is-sena li għaddiet id-dar tal-kotba Skarta (li tispeċjalizza fuq ammonti żgħar ta’ kopji) ppubblikat il-ġabra tal-poeżiji ta’ John Aquilina Leħnek il-Libsa Tiegħi.

Aquilina (1977) hu relattivament isem ġdid fil-kamp tal-poeżija Maltija għalkemm f’dawn l-aħħar snin il-poeżiji tiegħu dehru f’diversi antoloġiji u websajts. Il-poeta beda jikteb il-poeżija fl-1994.

L-avvent tiegħu imma bla dubju hu wieħed impresjonanti meta tqis l-ewwelnett il-kwalità ta’ vrusu (li jibqgħu jintrigawk anki wara li taqrahom) kif ukoll il-produzzjoni eċċellenti tal-ktieb li tebagħ. Ftit huma dawk il-poeti li jibdew l-avventura tagħhom fil-pubblikazzjoni b’dan il-mod.

Ta’ min jirrimarka għall-istorja, li s-sena li għaddiet, kienet waħda xotta u ftit rajna pubblikazzjonijiet fejn tidħol il-poeżija u żgur li l-kontribut ta’ Aquilina kien wieħed frisk u interessanti u li jinteressa u jintriga. Filfatt għall-Premju Nazzjonali tal-Ktieb ta’ din is-sena, hemm jikkonkorru biss tliet kotba fosthom dan ta’ Aquilina.

Aquilina ġej mid-dinja tax-Xjenzi u l-għalqa tiegħu hi l-Matematika li studjaha fl-Universitajiet ta’ Malta, Cambridge, u Bath. Hu inrteressanti kif donnha l-Matematika u x-Xjenza per se huma assenti mill-kwadretti poetiċi tiegħu. Għax Aquilina essenzjalment jikteb dwar il-bniedem.

Il-poeżija tiegħu bosta drabi hi konċiża imma tibqa’ tidwi fik. Hemm saffi differenti ta’ interpretazzjonijiet. Hemm kif kiteb Oliver Friggieri eżerċizzju maħdum bir-reqqa fit-tħaddim tal-metrika (anki dan il-fattur hu importanti għax bosta drabi l-metrika l-lum tiġi injorata mill-kittieba l-ġodda. B’metrika mhux nifhmu vrus tradizzjonali).

Il-poeta donnu hu maqbud bejn l-imħabba u l-mewt. Il-ħin kollu jipprovdi immaġnijiet marbuta man-natura speċjalment il-baħar.

Il-poeżija spiss hi indirizzata lil xi persuna moħbija li aktarx hi mara. Il-preżenza tagħha tfisser għall-poeta rebħa importanti: meta tkun miegħu jaqgħu żewġ kunċetti ewlenin iż-żmien u l-ispazju (La hawn Int).

Immanuel Mifsud jiddeskrivi din il-ġabra bħala poeżiji tal-qalb. Meta m’hemmx l-imħabba, ix-xenarju jaqleb għall-mewt jew għas-solitudni jew għall-uġigħ jew għan-niket. Imma anki fin-niket il-poeta jsib ċertu serħan. In-niket tiegħu b’dan il-mod jissaffa u jippurifika ruħu u jqarrbu lejn il-poeżija.

Drabi oħra jiddomina u jibqa’ jidwi l-baħħ etern. Aquilina jiddikjara li “mhux ħela d-dmugħ, jekk tkun qed tfur bin-niket.” (Meta Tolfoq).

Il-mewt donnu qed jippreżenta bħala passaġġ faċli u bżonnjuż. Il-poeżija Il-Mewt turi dan. Għalih l-immortalità mhi xejn ħlief pass monotonu (L-Immortali)

Għada nidra nimxi Waħdi hi fil-fehma tiegħi waħda mill-aħjar poeżiji fil-ġabra u fiha ritmu li jintrigak speċjalment meta l-poeta jiddikjara fil-vjaġġ “għad nidra nimxi waħdi,/u ma nfittixx lanqas il-kuntentizza. Xħin ma jarani ħadd narmi ħtijieti fi sqaq li baqa’ vojt, ngħattihom b’bikja.”

Il-produzzjoni tal-ktieb saret mill-artist Pierre Portelli li bosta jafuh għad-daqqa kreattiva tiegħu fil-qasam.

Fost l-oħrajn, id-dar tal-kotba Skarta ħarġet il-poeżiji ta’Adrian Grima, Immanuel Mifsud u Antoine Cassar u Joe Brincat.

Biex nissaħħu fl-Ilsien-Omm

2.MT ikompli l-vjaġġ sabiħ fit-tagħlim tal-Malti. Clare Azzopardi ħadmet dan il-proġett u tista’ tgħid li qed tipprovdi opportunità ta’ tagħlim alternattiv li ma jibqax ibbażat biss fuq dak li ndera.

2.MT huwa maħsub għat-tieni sena tal-fażi sekondarja. Il-ktieb jinbena minn tmien taqsimiet u kull taqsima tibda bit-test letterarju li tista’ tgħid kollha nkitbu għal dan il-ktieb minn awturi li normalment ħafna norbtu mal-vapur ta’ Merlin Publishers.

It-testi jvarjaw fl-istil u anki joħorġu mill-kuntest li test hu biss element letterarju. L-awturi jinkludu lil Simon Bartolo, Trevor Żahra, Mark Camilleri u Rita Saliba fost l-oħrajn.

Ma’ kull storja ma jonqsux ukoll il-mistoqsijiet jew attivitajiet għax illum il-kunċett ta’ taħriġ il-fehem qed jinbidel ukoll. Żmien ir-riproduzzjoni fidila ta’ test illum spiċċat. It-test fl-aħħar mill-aħħar irid jipprovaka u mhux jgħażżen.

It-taqsimiet tal-ktieb jindirizzaw erba’ ħiliet bażiċi fejn tidħol il-lingwa: il-qari, il-kitba, it-taħdit u s-smigħ. Xi ħaġa li tolqtok mill-ewwel hu t-tip ta’ kontenut li Azzopardi nkludiet: il-kultura f’sens wiesgħa.

Element interessanti huma l-podcasts fejn numru ta’ persunaġġi lokali qed jiġu ntervistati dwar il-ħidma tagħhom jew inkella stejjer. Il-persunaġġi intervistati minn Sergio Grech huma Charles Azzopardi, Charles Sammut, Ruben Zahra, Mark Scicluna u Rita Saliba.

Azzopardi jitkellem dwar il-kunflitt waqt li Saliba ġiet intervistata dwar il-proċess tal-kitba. Ruben Zahra jitkellem dwar l-għana waqt li Mark Scicluna ġie ntervistat dwar l-illustrazzjoni fil-kotba għat-tfal. Charles Sammut tkellem dwar l-attur.

Il-ktieb fih element ieħor interessanti: il-faċilità li l-istudent jibni portfoljo. Dan hu importanti għax il-portfoljo jagħti l-opportunità lill-istudent biex jiċċelebra l-ħiliet u l-kisbiet tiegħu. Għax it-tagħlim mhux l-istudju bl-amment kif ħafna għadhom jaħsbu u li ġġib ħafna marki kemm jista’ jkun qrib il-mija. L-awtriċi tissuġerixxi biex il-portfoljo jinbena ħabib tal-ambjent ukoll.

Il-ktieb jgħin ukoll lill-istudenti biex jiżviluppaw il-proċess tal-kitba u hawnhekk għandna elementi prattiċi kif dan jista’ jsir. Għax il-kitba wara kollox mhix sempliċi tbattil ta’ ideat fuq il-karta u kollox jieqaf hemm.

Il-ktieb ġie illustrat minn Nicole Diacono u jġib it-timbru ta’ Merlin Publishers.

Liġi Importanti għal-Libreriji Maltin

Il-Parlament Malti, ftit tal-ġimgħat ilu, għalaq liġi importanti ħafna: il-Liġi dwar it-twaqqif ta’ Libreriji Maltin. Il-Liġi hija mistennija li ġġib riformi importanti fil-qasam tal-libreriji f’Malta u fuq kollox terġa’ taħtar il-kariga importanti ta’ Librrar Nazzjonali li maż-żmien intilfet u fuq spalltu se jkollu bosta responsabiltajiet fosthom li jara li l-kollezzjoni nazzjonali fil-qasam tkun miġbura u mħarsa u li jara li l-livell tal-qari qalb il-poplu jitla’ permezz ta’ libreriji dinamiċi u ħajjin.

Irid jingħad sa mill-bidu, wara kollox kif anki qalet il-Ministru Cristina, fil-preżentazzjoni tal-Liġi fil-Parlament, li ma jfissirx li dan is-settur ma kellux ħaddiema validi li taw ħafna lill-pajjiż. Li qed jiġri llum hija li bis-saħħa ta’ Libreriji Maltin il-funzjonijiet se jitwessgħu u se jissaħħu. Wara kollox, kien hemm qbil tul dawn l-aħħar snin li l-Liġi li tħares il-libreriji għandha tkun aġġornata. Kien ġest pożittiv u importanti li gvern u oppożizzjoni qablu dwarha.

Inħoss li din il-Liġi għandha tkun interpretata fid-dawl ukoll tar-riformi importanti li għaddejjin fil-kamp edukattiv fejn il-mira hi li jkollna ċittadini aħjar, b’viżjoni ħolistika, ippreparati għad-dinja ta’ barra.

Il-Liġi qed tgħid li Libreriji Maltin se jkollha l-missjoni li tiżgura l-kompilazzjoni u l-konservazzjoni tal-wirt dokumentarju ta’ Malta għall-ġenerazzjonijiet preżenti u futuri u li żżomm u tiżviluppa l-libreriji u tinkoraġixxi l-ġbir tal-għerf tul il-ħajja.

Libreriji Maltin se tieħu post dak li dawn l-aħħar snin kien id-Dipartiment tal-Libreriji. Libreriji Maltin imma mhux se tkun kuntenta bil-wirt li għandha imma se jkollha r-responsabilità li tiġbor u tikseb iktar materjal għall-kollezzjoni nazzjonali u dan il-materjal qed dejjem jikber u maż-żmien intilef ħafna minnu. Eżempju żgħir hu l-materjal pubbliċitarju li nirċievu fi djarna. Dak teknikament ukoll hu wirt li għandu jinġabar għax jgħin riċerkatur ta’ għada jifhem l-istorja tal-istampar, l-istorja tan-negozju u ħwejjeġ oħra tal-lum. Hemm ukoll il-kwistjoni importanti tal-wirt diġitali li Libreriji Maltin ma tistax ma tidħolx għalih.

Libreriji Maltin trid tkun ċentru ta’ eċċellenza fil-materja u anki taħdem għat-taħriġ professjonali tal-librara li hu importanti. Dmirha se tkun li tiggwida fis-suġġett. Il-Liġi f’dan l-aspett ma tlaqlaqx.

Libreriji Maltin ingħatat ukoll dawn id-dmirijiet: li tgħin lill-Kunsilli Lokali biex il-libreriji tagħhom ikunu ta’ livell, ittejjeb il-kwalità tal-ħajja tal-individwu billi tipprovdi servizzi ta’ referenza u self, u taċċetta u tikseb rekords privati ta’ ċertu importanza.

Il-Liġi se toħloq tliet vakanzi ġodda: il-kariga ta’ Librar Nazzjonali u żewġ deputati librara: wieħed għall-Biblijoteka Nazzjonali u wieħed għal-Libreriji Pubbliċi.

Minn barra l-aspett amministrattiv, il-Librar Nazzjonali irid jara fost l-oħrajn li l-liġijiet marbuta mad-drittijiet tal-awtur u t-tixrid tal-informazzjoni jiġu rispettati, jiddisponi minn rekords fil-kustodja tiegħu li ma jiġġustifikawx il-preservazzjoni minn Libreriji Maltin, u jagħmel arranġamenti ma’ istituzzjonijiet oħra għall-immaniġġar jew il-konservazzjoni jew ir-restawr konġut ta’ libreriji jew materjal ta’ libreriji.

Id-dmirijiet tal-Viċi Librar tal-Biblijoteka Nazzjonali jinkludu l-immaniġġjar u l-konservazzjoni tal-kollezzjoni nazzjonali, it-tkabbir tal-kollezzjoni, organizazzjonijiet tal-kollezzjonijiet li jsiru iktar aċċessibli għar-riċerkaturi, u żvilupp tal-Biblijografija Nazzjonali.

Il-Viċi Librar tal-Libreriji se jkollu l-mandat li jsaħħaħ il-qari billi jara li l-libreriji huma attrezzati, jippromovi opportunitajiet għall-iżvilupp kreattiv personali u għall-għarfien tal-wirt kulturali, il-letteraturta, kisbiet xjentifiċi u innovazzjonijiet, jipprovdi pariri, gwida u assitenza professjonali dwar it-twaqqif u l-immaniġġjar ta’ libreriji u taħriġ tal-professjonisti tal-libreriji, jipprovdi servizzi ta’ informazzjoni għal individwi, intrapriżi lokali u assoċjazzjonijiet u jagħmel l-ishma u s-servizzi tal-libreriji magħrufa permezz ta’ wirjiet u attivitajiet u avvenimenti promozzjonali oħra.

Libreriji Maltin se jkollha wkoll Kunsill maħtur mill-Ministru li se jkun magħmul minn President, l-Arkivista Nazzjonali, il-Kap tad-Diviżjoni tal-Istudji dwar il-Libreriji, l-Informazzjoni u l-Arkivji fl-Università ta’ Malta, id-Direttur tad-Dipartiment tal-Kunsilli Lokali u mhux aktar minn tliet persuni magħżula minn fost dawk il-persuni attivi fil-qasam. Wieħed minnhom se jinħatar wara konsultazzjoni mal-Ministru għal Għawdex u ieħor wara konsultazzjoni mal-assoċjazzjonijiet tal-Librara.

Kull kunsill itul tliet snin u għandu dawn id-dmirijiet xi jwettaq: promozzjoni tal-ħidma ta’ Libreriji Maltin, jiżgura u jiffaċilita l-kollaborazzjoni bejn il-partijiet interessati differenti, jagħti parir lill-Ministru u lil-Librar Nazzjonali dwar immaniġjar tal-Libreriji f’Malta, jiġbed l-attenzjoni għal xi azzjoni urġenti meħtieġa għall-immaniġġjar tal-libreriji u jiltaqa’ u jikkonsulta mill-inqas darba fis-sena mal-persuni li jżommu libreriji mhux governattivi u mal-organizazzjonijiet li jaħdmu fil-qasam tal-libreriji.

Il-Liġi bla dubju se tkun katalista biex fil-qasam tinfetaħ era ġdida.

Jiftaħ it-Tielet Edizzjoni tal-Konkors Rumanzi għaż-Żgħażagħ

L-Aġenzija Żgħażagħ flimkien mal-Kunsill Nazzjonali tal-Ktieb qed iniedu t-tielet edizzjoni tal-Konkors “Letteratura għaż-Żgħażagħ” biex jixprunaw il-letteratura Maltija maħsuba għall-età tal-adolexxenza. Għall-iskop ta’ dan il-konkors, b’‘żgħażagħ’, l-organizzaturi qed jifhmu adolexxenti li għandhom bejn 12 u 17-il sena. Għal din l-età hu mistenni li jkun hemm letteratura differenti: li la hi għat-tfal u lanqas għall-adulti.

Dan il-konkors huwa miftuħ biss għal manuskritti li jitrattaw l-età tal-adolexxenza, li jfisser żgħażagħ ta’ bejn 12 u 17-il sena. Fil-konkors jista’ jieħu sehem kulħadd.

Ix-xogħol irid ikun bil-lingwa Maltija, jrid ikun oriġinali u qatt ma deher ippubblikat, la sħiħ u lanqas xi partijiet minnu. Il-manuskritt m’għandux inkun inqas minn 20,000 kelma u m’għandux jaqbeż il-25,000 kelma.

Kull kompetitur jista’ jissottometti sa tliet manuskritti, iżda ma jistax jirbaħ aktar minn premju wieħed. Ta’ kull manuskritt għandu jkunu ppreżentati tliet kopji li ma jingħatawx lura. Id-drittijiet kollha jibqgħu tal-propjetarju tal-manuskritt.

L-awtur tal-manuskritt għandu juża nome de plume. F’envelope separat u ssiġillat, l-awtur jagħti dawn id-dettalji: isem, età, indirizz, numru tal-mowbajl, numru tat-telefown u indirizz elettroniku (e-mail).

Għandu jkun hemm ukoll dikjarazzjoni li dan hu xogħol oriġinali, li qatt ma ġie ppubblikat qabel jew xi partijiet minnu u li qatt ma tah lil xi pubblikatur.

Il-President, is-Segretarju u d-Direttur Eżekuttiv tal-Kunsill Nazzjonali tal-Ktieb, uffiċjali fl-Aġenzija Żgħażagħ u l-familjari (sal-ewwel grad) ta’ dawn imsemmija ma jistgħux jieħdu sehem f’dan il-konkors.

Il-manuskritti għandhom jaslu għand id-Direttur Eżekuttiv tal-Kunsill Nazzjonali tal-Ktieb sal-31 ta’ Ottubru 2011, fl-uffiċċju tal-Kunsill Nazzjonali tal-Ktieb, fil-Librerija Pubblika Ċentrali, il-Furjana.

Id-deċiżjoni tal-ġurija hija finali u ma tistax tkun kontestata. Kull deċiżjoni meħuda mill-Aġenzija Żgħażagħ u mill-Kunsill Nazzjonali tal-Ktieb dwar it-tmexxija tal-Konkors, fid-dettalji kollha tiegħu, hija finali.

It-testi rebbieħa se jkunu tnejn. Iż-żewġ rebbieħa jitqiesu fi grad indaqs u ma jkunx hemm l-ewwel u t-tieni premju, imma premju wieħed għal kull rebbieħ.Il-kittieba rebbieħa jieħdu €1000 u trofew kommemorattiv kull wieħed.

Jingħata premju speċjali ta’ €500 lil dak l-awtur żagħżugħ ta’ bejn it-13 u t-30 sena li jkun ipproduċa manuskritt li jipprometti fil-konkors imma ma jkunx ħa wieħed miż-żewġ premjijiet ewlenin. Dan l-awtur jingħata wkoll il-possibiltà li jiltaqa’ ma’ pubblikaturi li jgħinuh kif itejjeb il-pubblikazzjoni tiegħu għall-futur.

Jekk il-livell mixtieq ma jintlaħaqx, l-organizzaturi jirriservaw id-dritt li l-premju ma jingħatax.

F’dawn l-aħħar jiem, il-Konkors Rumanzi għaż-Żgħażagħ organizzat mis-Segretarjat Parlamentari għaż-Żgħażagħ u Sport u l-Kunsill Nazzjonali tal-Ktieb, kien fl-aħbarijiet b’żewġ bxariet u żviluppi importanti.

Iktar kmieni dan ix-xahar, il-Kunsill Nazzjonali tal-Ktieb u l-Aġenzija Żgħażagħ ħabbru r-rebbieħa tat-tieni edizzjoni tal-konkors. Ir-rebbieħa huma Emanuel Psalia bil-manuskritt Storja Maqsuma u Ivan Bugeja bil-kitba Tmiem il-Ġimgħa. Il-ġurija kienet magħmula mill-Professur Charles Briffa, il-lettur fil-Fakultà tal-Edukazzjoni Dr Terence Portelli u x-xandar u kittieb George Peresso. Dawn il-manuskritti issa jsiru kotba fil-ġimgħat u li x-xhur li ġejjin. Fl-istess attività, kien ikkonfermat ukoll li l-konkors se jidħol għat-tielet edizzjoni.

Illum wara nofsinhar se jkun ippreżentat lis-Segretarju Parlamentari Clyde Puli kopja tar-rumanz Inżul ix-Xemx ta’ Rita Saliba; wieħed mir-rumanzi rebbieħa tas-sena li għaddiet. Saliba kienet rebħet il-konkors flimkien ma’ Simon Bartolo. Ir-rebbieħa tal-konkors ħadu elf ewro, ċertifikat u trofew li nħadem mill-Mdina Glass. Kliem ir-Riħ, il-ktieb ta’ Bartolo, ġie ppubblikat mill-Klabb Kotba Maltin waqt il-Fiera Nazzjonali tal-Ktieb 2010.

Il-konkors jaħseb biex jippremja wkoll lil dak iż-żagħżugħ li spikka qalb il-parteċipanti. L-unur is-sena li għaddiet mar għand Rene A. Cilia waqt li din is-sena r-rebbieħa kienu tnejn: Kenneth Curmi u Cherise Ann Abela. L-awturi żgħażagħ se jingħataw il-possibilità li jkabbru t-talenti tagħhom.

Rita Saliba mhix isem ġdid ma’ dawk li jsegwu l-letteratura. Saliba qrat xogħlijiet tagħha waqt diversi attivitajiet letterarji, li jsiru f’Malta minn żmien għal żmien. Xi xogħlijiet ta’ Saliba dehru wkoll f’kotba għat-taħriġ ippubblikati mill-Merlin.

Wieħed japprezza li l-konkors qed ifittex rumanzi għall-adolexxenti jiġifieri kitba speċifika għall-età speċifika ħafna. Din hi sezzjoni li ma jgħoddx kollox għaliha. Għall-kuntrarju, hi fażi fejn iż-żagħżugħ ikun qed ifittex li jasserixxi ruħu. Żgur hi epoka li l-istejjer ta’ avventuri li kienu jaqraw fil-primarja ma jibqax spazju għalihom. Lilhinn minn xtutna f’pajjiżi bħall-Italja, il-Ġermanja u l-Ingilterra hemm roqgħa awturi kbira mhux ħażin li jispeċjalizzaw f’din it-tip ta’ letteratura. Hawnhekk qed nitkellmu fuq il-fażi ta’ bejn it-12 u s-17-il sena.

Il-protagonist ewlieni tar-rumanz Inżul ix-Xemx tista’ tgħid li hu Thomas li hu marid bil-proġerija; marda li xxejjaħ lill-pazjent mil-lum għal għada. Ir-rumanz jippreżenta karattri ħajjin oħra bħal Josef u Sammantha; it-tnejn bit-talent u imħabba għall-arti tat-tpinġija. Ċirkustanza partikulari twassal biex Josef u Thomas jiltaqgħu u flimkien jippjanaw kif se jaraw ix-xemx nieżla. Is-sitwazzjoni xejn ma kienet faċli minħabba li Thomas kien taħt protezzjoni stretta.

L-istil ta’ Saliba hu wieħed mexxej u jżomm ċertu ritmu; element importanti ħafna u li ma jistax ikun injorat fil-każ tal-letteratura għall-adolexxenti.

Ta’ min iżid li s-Segretarjat Parlamentari għaż-Żgħażagħ u Sport qed jissussidja gidma sew mill-pubblikazzjoni biex b’hekk ikun assigurat prezz tajjeb tal-ktieb u allura firxa ikbar.

Persważ li kif jiġri fil-każ tal-kotba għat-tfal, ktieb bħal dan se jkollu wkoll pubbliku adult li jaqrah. Hu ktieb li jiċċelebra l-valur tal-ħbiberija: mill-ġdid tema importanti għall-udjenza li l-ktieb hu indirizzat għalih.

Sensiela bi Sfida: Ir-Rispett lejn id-Diversità

Is-sensiela ta’ kotba għat-tfal Milly, Molly oriġinat fi New Zealand u bħalissa qed tkun tradotta għal Malti u ppubblikata minn Frans A. Attard li matul is-snin tana diversi pubblikazzjonijiet interessanti fosthom il-famuż Maze li jintuża minn bosta biex isibu t-triqat fil-gżejjer tagħna kif ukoll il-Book of Records and Firsts li jmissu ma’ Malta u l-istorja tagħha.

Ta’ min jelenka sa mill-bidu li s-sensiela Milly, Molly rebħet il-Premju Nazzjonali tal-Ktieb organizzat mill-Kunsill Nazzjonali tal-Ktieb.

Sas-sena li għaddiet, Attard ħareġ sittax-il volum min din is-sensiela. Milly Molly jippreżentaw sensiela ta’ sitwazzjonijiet li fl-aħħar mill-aħħar għandhom għan diddatiku.

Huma kotba b’erbgħa u għoxrin faċċata l-wieħed. Il-kotba nkitbu biex ixerrdu l-kunċett tad-diversità f’sens wiesa’ ħafna. L-awturi riedu jippromovu wkoll il-valuri sodi fil-formazzjoni tal-karattru tat-tfal.

Kull ktieb jieħu tema u tagħlima u l-protagonisti huma Milly u Molly; żewġt ibniet- waħda bjonda u l-oħra samra. Fost it-tagħlimiet li toħroġ din is-sensiela ta’ min isemmi r-responsabilità, l-ippremjar tad-differenza, il-graditudni, l-onestà, u l-eżerċizzju.

Per eżempju, il-ktieb Milly, Molly u l-Bandli jippromovi l-kunċett tal-importanza tal-ħidma flimkien waqt li Milly, Molly u l-Għarix fuq is-Siġra jenfasizza l-bżonn tal-eżerċizzju. Il-kunċett tal-kuraġġ u d-determinazzjoni joħorġu fil-ktieb Milly u Molly Jikkampjaw.

Is-sensiela oriġinarjament inkitbet minn Gill Pittar waqt li l-illustrazzjonijiet huma ta’ Cris Morrell. Attard jippreżenta kemm-il verżjoni oriġinali bl-Ingliż kif ukoll it-traduzzjoni Maltija tiegħu anki għax hu jemmen li tagħna hi soċjetà bilingwi; deċiżjoni li mhux kulħadd jaqbel magħha. Il-kittieb Charles Casha qed joffri l-konsulenza tiegħu fuq dan il-proġett. Il-kotba huma ideali għal tfal ta’ taħt id-disa’ snin.

Skont il-Professur Sigrid Markmann, id-Dekan tal-Fakultà tal-Letteratura, tal-Università ta’ Osnabruck fil-Ġermanja, “l-morali li hemm fl-istejjer huwa importanti għat-tfal li qed jgħixu fis-seklu 21 sabiex dawn il-valuri jagħmluhom parti minn ħajjithom … l-istil u l-kliem huma ta’ letteratura tajba …”

Milly Molly hija sensiela li taqdi bosta għanijiet. F’dawn il-kotba, għandek storja u allura awtomatikament il-letteratura. Għandek tagħlima fl-istejjer u allura jidħlu kexxun għal suġġetti bħal PSE fl-iskola. Il-kotba għandhom il-potenzjal li joħolqu diskussjoni fuq suġġetti li t-tfal se jmissu magħhom matul il-ħajjithom. Forsi ftit nimmaġinaw li l-letteratura tista’ tgħin u taqdi għanijiet bħal dawn. Milly Molly twaqqa’ dawn il-preġudizzjo kollha. Fuq kollox hi sensiela li tagħti każ l-ispirtu.

Tislima lill-Poeta Nazzjonali

Il-Hamis li ghadda, l-Uffiċċju tal-Prim Ministru fakkar il-memorja għażiża tal-poeta nazzjonali Dun Karm permezz ta’ kunċert li tella’ fil-kon-kattidral ta’ San Ġwann. Dan il-kunċert kommemorattiv, li ngħata l-isem Tina l-Ħlewwa, sar f’għeluq il-ħamsin sena mill-mewt tal-poeta Żebbuġi li fost l-oħrajn kiteb l-innu nazzjonali tal-pajjiż u l-famuża poeżija Il-Jien u Lilhinn Minnu.

Il-kunċert ingħata mill-kor Laudate Pueri tal-Bażilika ta’ San Ġorġ tar-Rabat, Għawdex. Il-kor kien taħt id-direzzjoni tas-Surmast Dun George L. Frendo. Il-kor matul il-kunċert ippreżenta diversi innijiet tal-poeta nazzjonali li jiffurmaw parti essenzjali mill-identità nazzjonali ta’ kull Malti u Għawdxi. Bosta innijiet dunkarmjani ġew immużikati mis-Surmast Ġużeppi Caruana.

L-innijiet li ġew inklużi fil-kunċert kienu Fil-Ħlewwa ta’ Mejju, Ismagħha l-Għanja, Nadurawk ja Ħobż tas-Sema, Għedtilna Kelma, l-Innu ta’ Ferħ, l-Innu ta’ Filgħaxija u l-Innu Nazzjonali.

Waqt il-kunċert, tkellem ukoll il-Professur Oliver Friggieri; li studja u ġabar il-poeżiji bil-Malti u bit-Taljan tal-poeta. Fil-programm tifkira, Friggieri jispjega li dawn iż-żewġ proġetti ħadulu ħamsa u tletin sena.

Din is-sena hemm ippjanati diversi attivitajiet biex ifakkru l-poeta. Jalla dan l-anniversarju jħajjar lil bosta biex jiskopru l-ġmiel tal-kelma kif imħaddma minn dan il-poeta ewlieni Maltin.

Fi tmiem il-kunċert, Pawlu Mizzi, figura importanti ħafna fil-qasam tal-ktieb Malti, ħeġġiġni biex fl-attivitajiet li nagħmel Dun Karm ikun dejjem preżenti. Bil-qalb nilqa’ dan il-parir.

Fenech kien ukoll wieħed mill-ewlenin tal-Moviment Qawmien Letterarju li fis-sittinijiet ħadmu biex jibdlu l-kors tal-poeżija u l-letteratura li kienet qed tilgħabha mal-mewt. Fenech waħdu jibqa’ magħruf għall-ħolqien tal-ġeneru tal-poeproża. Matul is-snin, huwa dejjem kien konsistenti b’kitbiet ħajja u li mhux lesti li jagħmlu xi forma ta’ kompromessi.

Ix-Xitwa ta’ wara s-Sjuf ilaqqana’ mal-karattru Q li jirrakkonta l-ġrajjiet ta’ sħabu kif għexu fis-sittinijiet f’Malta. Dan kien żmien mill-iktar movimentat għall-Malta (għalkemm ħdejn ir-riefnu ta’ barra lokalment kellek żiffa).

Interessanti li t-tema tas-sittinijiet dawn l-aħħar xhur qamet f’diversi kitbiet. F’moħħi jiġuni Staqsi lir-Riħ ta’ Salv Sammut, Arloġġ ta’ Darba ta’ Charles Flores, L-Antipodi ta’ Alex Vella Gera u Il-Lejl tal-Irġulija ta’ Sergio Grech.

Fenech jeħodna fuq vjaġġ lura fil-memorja kollettiva ta’ dan il-ġens. Is-snin sittin f’Malta fissru l-ġlieda għall-Indipendenza b’Borg Olivier jikseb dak il-pass importanti fl-iżvilupp tan-nazzjon. Is-sittinijiet f’Malta raw kunflitt qawwi bejn Mintoff u Gonzi li fired familji kbar. Is-sittinijiet żvelaw l-għeluq u l-moffa fejn tidħol il-moda l-ġdida (il-miniskirt u l-bikini).

Fuq livell ieħor, akkademiku, riċerkaturi bħal Henry Frendo, Joe M. Pirotta u Sergio Grech daħlu fid-dettall dwar dan is-suġġett.

Fenech jirreferi wkoll għall-arti popolari tas-sittinijiet u fosthom isemmi lil Freddie Portelli u l-kanzunetta li ma mietet qatt Viva Malta. Sabiħ ukoll l-isfond reliġjuż li joħloq l-awtur, flimkien mal-bidliet fil-kamp soċjali bil-ftuħ tal-fabbriki u l-mewġa ta’ bini.

Dan kollu u iktar hu “dokumentat” fir-rumanz ta’ Fenech u donnha tinħass ħajta nostalġija għal dak iż-żmien. Imma dan mhux xi ktieb tal-Istorja ta’ epoka u jiżbalja jekk niefqu nħarsu lejh b’dan il-mod.

Żgur li l-awtur, b’riħet il-karattri li ħoloq, qed jagħmel skrutinju tal-perjodu u jipprova jifhem fejn falla u fejn rnexxa. Fuq kollox, is-sittinijiet kienu snin ta’ avventura u donnu Fenech qed jimplika li l-ħolm taż-żgħażagħ tal-lbieraħ li se jqallbu ż-żminijiet nsewh għal kollox u min flok illum li kibru għażlu il-kompromess u s-silenzju u jkunu parti minn konfoffa ta’ skiet.

Fenech analizza l-passat biex jifhem il-preżent u l-awtur donnu qed jisfiduċja ż-żminijiet tal-lum fejn donnha l-apatija taħkem sultana fuq kollox u fuq kulħadd. Donnu qed jara nuqqas ta’ kontinwità jekk mhux rigress u entropija. Agħar minn hekk, l-awtur qed jara dekadenza fiċ-ċiviltà preżenti fejn kollox idur mal-kunċett tal-flus.

Inħoss li hemm xebh bejn Q u l-awtur anki jekk Fenech jgħid mod ieħor fil-paġni preliminari. Imma, per eżempju, Q u Fenech, mhux kumbinazzjoni li għandhom l-istess ideat dwar it-tħassir ambjentali; suġġett li tant Fenech kiteb u xela dwaru. L-isfiduċja fil-politika hi tema oħra għal qalb Fenech u tinħass ukoll fi Q. Q bena karriera fil-kamp edukattiv. L-istess Fenech. Q u Fenech huma kittieba. Għal Q, il-kitba hi impenn. L-istess għall-Fenech.

Nemmen li t-tmiem tar-rumanz b’xi mod jew ieħor hu t-testment tal-awtur: “id-dinja moderna m’għadx għandha moħħ għall-poeżija … leħen il-kittieb jeħtieġ li jibqa’ ħaj …” It-tmiem hu wieħed melankoniku imma fl-istess ħin tibqa’ tibrilla t-tama. Il-konklużjoni fakkritni f’dikjrazzjoni li għamel reċenti l-kittieb Peruvjan rebbieħ tal-Premju Nobel Mario Vargas Llosa fejn iddikjara li l-mewt se ssibu jikteb.

Ix-Xitwa ta’ wara s-Sjuf hu rumanz li għandu jinżel għasel ma’ min japprezza l-ġeneru prożajku. Fil-qoxra tar-rumanz jidher kwadru ta’ Raymond Pitrè li jmur lura għas-sena li fiha Malta ħadet l-Indipendenza.

Nistennew b’ħerqa iktar esperimenti ta’ Fenech fil-kitba tar-rumanz li wisq probabbli hu l-iktar ġeneru popolari ma’ min iħobb il-letteratura. Filfatt hekk weriet ir-riċerka riċenti li għamel il-Kunsill Nazzjonali tal-Ktieb.

Fil-preżent, Horizons u Fenech qed iħejju ġabra ta’ poeżiji.

Tislima lill-Professur Ġużè Aquilina
Dax-xahar Malta fakkret il-mitt anniversarju minn twelid il-Professur Ġużè Aquilina. Aquilina kien figura importanti ħafna fl-istorja tal-ilsien u l-kultura nazzjonali.

Aquilina ħadem biex il-Malti jintrefa’ ’il fuq fuq livell akkademiku. Mill-Università rsista biex l-istudenti tiegħu jitħabbew mal-lingwa nazzjonali.

L-enerġija tiegħu kienet bla tarf u filfatt interessa ruħu f’diversi friegħi tal-lingwa, l-arti u l-kultura. Bla dubju, kien erudit. F’xi oqsma kellu jibda mill-bidu hu. Aquilina studja l-lingwistika u l-letteratura. Filfatt, tiegħu nistgħu ngħidu li kienu l-ewwel studji letterarji ta’ ċerta serjetà għalkemm maż-żmien dik l-interpretazzjoni ġiet aġġornata mill-istudenti tiegħu.

Ħadem biex per eżempju ġabar il-qwiel u l-idjomi tal-poplu u fuq kollox il-famuż dizzjunarju li jiċċelebra l-ilsien nazzjonali.

Kiteb ukoll numru ta’ drammi f’epoka fejn id-dramm Malti kien staġnat u f’agunija b’eċċezzjonijiet rari. Uħud minn dawn id-drammi ġew ireċtati grazzi għall-istudenti tal-Malti membri fl-Għaqda tal-Malti Università li kienet twaqqfet mit-tobba Rużar Briffa u Ġużè Bonnici.

Kiteb ukoll il-proża u l-poeżija. Hawn min isostni li l-poeżija tiegħu bl-Ingliż kienet aħjar minn dik Maltija. Ir-rumanz tiegħu Taħt Tliet Saltniet huwa test rappreżentativ tal-kitba romantika ta’ żmienu li ma miet qatt.

Aquilina min dejjem emmen fil-qawwa tal-mezzi tal-kommunikazzjoni. Kiteb diversi artikli fil-gazzetti Striklandjani u xandar għadd kbir ta’ xandiriet radjofoniċi. Bla dubju, kien forza intelletwali qawwija ta’ min issegwiha. Uħud minn dawn ix-xandiriet inġabru wkoll f’numru ta’ kotba.

Niżbaljaw jekk dan il-pajjiż jinsa lill- Professur Ġużè Aquilina. Miegħu għandna dejn kbir bħala nazzjon. Jalla jkollna iktar akkademiċi bħalu li għalihom il-pajjiż jiġi l-ewwel u qabel kollox tabilħaqq.

Inċidentalment, Campus FM se jsellem lil dan il-persunaġġ importanti permezz ta’ sensiela ta’ erba’ programmi li jibdew nhar it-Tlieta fid-9.30 a.m., b’repetizzjoni l-Ġimgħa fis-1.00 p.m.

Cassola permezz ta’ riċerka f’numru ta’ perjodiċi u gazzetti tas-seklu dsatax jirnexxielu jtella’ fil-wiċċ numru ta’ gazzetti li llum ħadd ma jaf bid-destin tagħhom.

Jista’ jkun hemm diversi raġunijiet għal dan it-telf. Permezz ta’ dan il-ktieb, issa għandna informazzjoni dwar partijiet tal-kontenut ta’ dawn il-gazzetti mitlufa.

Ma’ dawn tiżdied ukoll il-gazzetta Nafras u Colombu mill-kollezzjoni privata tal-Avukat Albert Ganado. Din il-kollezzjoni msemmija hija nieqsa għal kollox mill-kollezzjoni tan-nazzjon.

Nemmen li wasalna f’punt li l-pajjiż jevalwa x’għandu f’termini ta’ Melitensia u jistudja l-possibilità li l-mitluf jinstab jew tal-inqas ikun identifikat fejn hu jekk mhux possibli li jinġieb hawn.

Fejn jidħol l-istudji tal-ġurnaliżmu u l-istampar f’Malta tajjeb wieħed isemmi studjużi bħal Bianca Fiorentino, Joseph F. Grima, William Zammit u Henry Frendo li esploraw dan is-suġġett. Ftit ġimgħat ilu ktibna f’din il-paġna dwar xogħol importanti ta’ Sergio Portelli. Ta’ min nirrimarkaw li Fiorentini kif ukoll Ġuże Gatt u Patri Anthony Sapienza (kompilatur tal-famuż A Checklist of Maltese Periodicals) kienu diġà ġibdu l-attenzjoni għal xi materjal li ntilef.

Kien ġest għaqli min-naħa tal-Kullana Kulturali li ddedikat volum għall-istorja tal-ġurnaliżmu Malti u ieħor għall-istampar f’Malta. Malta għandha storja stramba fen jidħol l-istampar. Hemm is-sulluzzu ta’ żmien l-Ordni ħafna snin wara l-invenzjoni ta’ Gutenberg u l-libertà tal-istampa tal-1839 li radikalment biddlet ix-xenarju u fejn beda jispunta l-ġurnaliżmu bil-Malti.

Ħafna drabi, fil-każ tal-ġurnaliżmu Malti, kien proġett mhux sostenut minħabba abbonamenti baxxi riżultati ta’ pagi baxxi u rati għolja ta’ illiteriżmu. Kien hemm bosta episodji minn dawn ta’ mwiet frekwenti.

Hu interessanti kif il-mewġa favur il-Malti tibda minn kmieni u jibdew esperimenti bħal Il Kaulata Maltia, u Bertoldu. Din l-idea ta’ ħajja qasira tal-gazzetti bil-Malti tixref ukoll f’rimarki li għamlu kontributuri bħal Anton Muscat Fenech (1878). Ġuże Muscat Azzopardi ma qagħadx jomogħda u sostna li l-parrokjaliżmu u n-nuqqas ta’ materjal letterarju kien il-kaġun għall-ħajja xejn feliċi tal-istampa bil-Malti.

Barra l-ġurnaliżmu Malti, kellek ukoll Maltin li qed jiktbu bit-Taljan u anki Taljani stess li spiċċaw Malta wara li ġew eżiljati minħabba l-pressjonijiet tagħhom għall-għaqda tal-peninsula Taljana.

Fost gazzetti mitlufa u li Cassola sab materjal dwarhom ta’ min isemmi La Tromba, L’Arlecchin, La Trombetta, Barbagianni, L-Imkass u Forċa.

Xi ħaġa li tispikka f’dawn il-gazzetti hija l-lingwa ħarxa li kontinwament kienu jużaw u jiskambjaw bejniethom l-edituri u l-artikolisti. Is-satira kienet tilgħab logħba qalila wkoll u tiftiehem aħjar jekk tidħol fil-kuntest partikulari taż-żmien. Xi ħadd bħal Kanonku Giuseppe Zammit imlaqqam Brighella (li Cassola ma jonqosx li jsemmih) kien espert f’din il-linja u ma kien jaħfirha lil ħadd. Diskors bħal “ħmar, injorant” u “kiesaħ” kien jintuża dik il-ħabta qisu qed jingħadd fit-triq.

Cassola jqajjem il-punt ta’ liema kienet l-ewwel pubblikazzjoni ta’ din ix-xorta bl-ilsien nazzjonali. Hu jfakkar kif l-asserzjoni ta’ Ninu Cremoma tal-1931 li qabel Il Kaulata Maltia, li ħafna jqisuha bħala l-ewwel gazzetta bil-Malti, kien hemm ħarġa waħda ta’ L’Arlecchin li kienet iddedikata għall-mawra f’Malta tar-Reġina Adelaide.

Il-gazzetta imsemmija fost l-oħrajn kellha tliet poeżiji bil-Malti kif ukoll ittra mill-Għarb, Għawdex, ta’ garr fuq l-għoli tal-ħajja li skont l-awturi, il-libertà li tistampa l-gazzetti ma solvietx din il-problema. Ta’ min jinnota li ż-żewġ gazzetti ħarġu qabel l-istampa ħielsa daħlet fis-seħħ.

Cassola jsaqsi jekk din hix vera kitba li ġiet minn Għawdex jew hix miktuba minn xi intelletwali promninenti. Skont hu, l-awtur jista’ jkun George Percy Badger. L-Anglikan kien ippubblika l-famuż Decsription of Malta and Gozo fl-1838. Dil-ħabta f’Malta kellek komunità Protestanta attiva li bosta drabi daħlet f’argumenti man-naħa Kattolika. Kritika persistenti kienet li l-insara Maltin kellhom twemmin tal-frugħa mibni fuq il-folklor.

Aspett interesanti tal-kitba ta’ Cassola hija t-taqsima dwar Nafrus u Columbu li l-awtur seta’ jikkonsulta grazzi għall-Avukat Albert Ganado. Interessanti wkoll skont il-Professur Arnold Cassola li f’dawn l-aħħar ġimgħat, l-Università ta’ Malta, akkwistat għadd ta’ numri minn din il-gazzetta.

L-ewwel edizzjoni ta’ Nafrus u Columbu ħarġet fil-15 ta’ Novembru, 1860. Kienet gazzetta li kienet toħroġ tliet darbiet f’xahar u kienet tinbigħ tliet soldi. Il-gazzetta kellha sfond teatrali u għamlet ukoll għadd ta’ riferenzi għall-kawża tal-unifikazzjoni Taljana. Ma kinitx tonqosx ukoll il-poeżija bl-għan li tispira kondotta tajba. Cassola jiddentifika lil Carmelo Camilleri fost il-kontributuri ewlenin tagħha. Ma naqsux polemiċi dwar it-teatru f’Malta li wisq probbabli kienu jinteressaw lil ftit.

Jalla din ir-riċerka tixpruna iktar studju fil-qasam biex l-istorja tal-istampar u l-ġurnaliżmu f’Malta tkompli tissaħħaħ. Cassola ta perspettiva interessanti b’dan il-ktieb.

Stejjer Utopiċi
Mhux darba jew tnejn, li l-istejjer li jkunu dehru f’Sagħtar jinġabru fi ktieb. Fost dawn rajna stejjer miktuba minn Francis Ebejer, Carmel G. Cauchi u Kilin.

Hekk ġara wkoll fil-każ tal-istejjer ta’ Patrick J. Sammut. Id-direzzjoni ta’ Kotba Sagħtar iddeċidiet li tippubblika l-istejjer ta’ Sammut li dehru f’din ir-rivista popolari ppubblikata mill-Malta Union of Teachers.

Fil-ktieb Avventura Żgħira f’Ta’ Qali … u Stejjer Oħra, qed jidhru wkoll sensiela ta’ stejjer ġodda li s’issa ma kinux ippubblikati f’Sagħtar. Kull storja ġiet illustrata minn Cliff Xuereb.

L-isem ta’ Sammut mhux isem ġdid għal min hu midħla tal-ktieb u l-qasam letterarju Malti. Tana fost l-oħrajn żewġ kotba ta’ kritika, ġabra ta’ poeżiji flimkien ma’ Stephen Cachia u hu attiv ħafna fil-qasam tal-medja fejn jikteb biex jippopolarizza l-letteratura. Jirsisti fl-Għaqda Poeti Maltin u jeditja r-rivista tal-għaqda Versi.

Fid-daħla tal-ktieb, l-editur tas-sensiela Charles Magro jiddeskrivi l-istejjer ta’ Sammut bħala kitbiet “sempliċi ħafna u ispirati mill-ħajja tat-tfal.” Magro jemmen li dawn l-istejjer jistgħu jiggwidaw ukoll il-qarrejja żgħar fil-bini tas-sentenza.

Waqt li qed naqra dawn l-istejjer ma stajtx ma nosservax li huwa Sammut il-missier li qed jikteb dawn l-avventuri. L-awtur jinħass promotur tal-valuri. Kull storja tagħlaq b’tagħlima li tħeġġeġ valur jew ieħor.

Is-solidarjetà bejn it-tfal u l-ġenerożità huma temi li jinħassu l-ħin kollu. Tema oħra li l-awtur jesprimi hija r-rispett lejn id-diversità u t-tolleranza lejn l-ideat kuntrastanti u differenti; suġġetti li min jaf kemm l-għalliema jitkellmu dwarhom kull ġurnata li tgħaddi.

Diversi stejjer jesploraw il-ħbiberija li għat-tfal hija kardinali u l-kumplessità li din kultant toħloq u jiġġieled il-bullying li llum sar pesta fis-soċjetà Maltija. Sammut huwa konvint li “min jaqsam ma’ ġaru minn dak li għandu jgawdi anki huwa u jgħix hieni.” Huwa jħeġġeġ it-tfal biex jitgħallmu għax dak jiswielhom.

Avventura Żgħira f’Ta’ Qali … u Stejjer Oħra jista’ jiftiehem bħala riċetta għat-tfal biex imissu xfafar mill-utopija.

Dan il-volum iġib in-numru 73 u tista’ tgħid li hu għal kollox differenti mill-oħrajn kollha. Għalkemm fil-każ tal-Filosofija nistgħu ngħidu li rajna wkoll dizzjunarju imma dak kien ristrett fl-għan tiegħu u limitat għal suġġett wieħed.

Sa ċertu punt, il-qarrejja tal-Kullana Kulturali draw ukoll li f’kull volum ikollhom glossarju li joffri spjegazzjonijiet ta’ termini tekniċi li jmissu ma’ aspett jew ieħor. Dawn il-glossarji urew fuq kollox setgħet l-ilsien nazzjonali li kuntrarju għal ċerta perċezzjoni żbaljata l-Malti joqgħod sew basta u meta jitħaddem tajjeb.

Dizzunarju Kulturali hu, bla dubju, sfida għal min jidħol għalih. Għax fil-każ tagħna dan mhux sempliċiment kompilazzjoni tal-glossarji preċedenti li dehru f’volumi differenti, kif wieħed jista’ jimmaġina u kif setgħet tkun it-tentazzjoni. Għalkemm hu minnu wkoll li Briffa ma jonqosx li jinkludi wħud minnhom f’dan il-każ imma żgur li ħalla d-daqqa tiegħu.

Fost xogħlijiet oħra li l-awtur irrikonoxxa li għenuh kien hemm id-dizzjunarju ta’ Ġuże Aquilina, id-Dizzjunarju Enċiklopediku ta’ Vincenzo Busuttil u Tancredi Borg tas-snin għoxrin u snin tletin tas-seklu l-ieħor (magħruf minn ftit), il-vokabularju ta’ Nicola Zingarelli u diversi pubblikazzjonijiet barranin.

Briffa, fid-daħla tiegħu, jispjega li d-Dizzjunarju jiġbor għadd ta’ termini marbuta ma’ xi aspett tal-Kultura Maltija minn żmien żemżem sas-seklu wieħed u għoxrin u dan bir-raġun għax il-kultura mhix statika imma kontinwament tinbidel.

Id-Dizzjunarju ta’ Briffa minbarra d-definizzjoni iżid ukoll tagħrif edukattiv, tekniku, storiku jew artistiku u b’hekk ifettaħ l-għerf miġbur. Jiżbalja imma kif jikkummenta Briffa min jissostitwixxi din l-għodda ma’ enċiklopedija.

Fid-Dizzjunarju niltaqgħu ma’ xmara ta’ termini; uħud midħla tagħhom u oħrajn mhux daqstant. Biex nagħtu xi kampjun niltaqgħu ma’ spjegazzjoni ta’ kliem bħal dingi jew rokoko. Briffa jesplora minn gallett sa xwejni. Minn kanonku sa biskott. Minn okroplewra sa tron.

Briffa joffri wkoll analiżi ta’ xi ismijiet u t-tifsira tagħhom. Għal ċerti kliem, Briffa joffri wkoll ċerti plurali. Jispjega wkoll li fejn kien possibbli l-ortografija nżammet Maltija imma meta t-terminu m’hemmx ekwivalenti għalih fil-Malti nżamm fl-għamla oriġinali.

Fid-Dizzjunarju, Briffa jipprovdi wkoll tagħrif dwar termini li jintużaw fost l-oħrajn meta jsiru r-riferenzi għall-qlugħ, arbli, kwantifikazzjoni taż-żmien, il-perjodi Ġeoloġiċi, il-flus tad-dinja, il-vitamini u l-kuluri.

Taqsima oħra interessanti hi t-taqsima Il-Ġrajja wara l-Kelma li twieldet minn sensiela li Briffa ppreżenta fuq Campus FM fejn l-awtur jgħarrex fil-ġrajjiet tal-kelma u l-għajdut marbuta magħha biex b’hekk jasal għall-iżvilupp semantiku tagħha.

Id-Dizzunarju Kulturali qiegħed għal min qed jiġbor il-Kullana Kulturali imma wkoll għal min jixtieq għodda tajba ta’ riferenza. Qiegħed hemm ukoll għal min irid jiskopri dinjiet sbieħ. Hemm użu wkoll għall-isfera akkademika.

Bla dubju, id-Dizzunarju Kulturali hu żvilupp interessanti fil-qasam tal-ġeneru u għall-istorja tal-pubblikazzjoni Maltija. Sa issa kellna iktar dizzjunarji li jittraduċu l-kelma f’ilsna oħra (li varjaw fi gradi differenti fil-linja li ħadu) u mxejna għal dizzjunarji iktar speċifiċi fejn il-kliem miġbur jaqa’ taħt kappa jew oħra bħal dak tal-kontabilità miġbur minn George Cassola li ġie mitbugħ mill-istamperija tal-Università ta’ Malta fl-ewwel snin tal-millenju l-ġdid.

Dizzjunarju għat-Tfal tal-Primarja

Merlin Library Ltd għadha kemm ippubblikat Dizzjunarju għall-Primarja. Bla dubju, din il-pubblikazzjoni, qed timla ħafna vojt għax dan hu settur li ftit issib kotba ta’ dan it-tip li jirriflettu r-realtà ta’ min se jużahom. Bosta drabi jkollhom jinqdew b’dizzjunarji goffa li lanqas jifilħu jqallbuhom!

Biex issir ġustizzja storika mas-settur Malti tal-pubblikazzjoni, ta’ min isemmi li fis-snin riċenti kienu ġew ippubblikati esperimenti bħal L-Ewwel Dizzjunarju Tiegħi ta’ Plato Publications.

Dizzjunarju għat-tfal mhux faċli li tiktbu u tibnieh. Il-klijent mhux min ħabat laqat u għalhekk hemm ċerti aspetti li jridu jkunu indirizzati kif jiġri meta jsir proġett ta’ kitba għat-tfal. Anki jekk minnu nnifsu dizzjunarju mhux ktieb li normalment nassoċjaw ma’ ħafna kreattivita f’dik li hi produzzjoni. Paradossalment il-ġeneru tad-dizzjunarju hu probbabli wieħed mill-iktar kotba kreattivi li jeżistu meta tqis il-firxa wiesgħa ta’ kliem li jħaddan.

Dan id-dizzjunarju nħadem minn Albert Gatt li huwa lettur fl-Istitut tal-Lingwistika fl-Università ta’ Malta. Gatt jistqarr li solva l-problema ta’ xi kliem se jinkludi u jbarri billi ntużat kollezzjoni ta’ testi bil-Malti – kemm għall-adulti kif ukoll għat-tfal – li ġiet ipproċessata fuq kompjuter “biex tinstab il-kelma fil-kuntesti differenti li tintuża fihom.”

Il-preġju tal-ktieb jinsab filfatt li dan hu dizzjunarju veru u propju u mhux sempliċiment vokabularju minkejja li hu indirizzat għall-udjenza tat-tfal li jattendu l-primarja. Sikwit jiġri li ċertu vokabularji jgħaddu bħala dizzjunarji u mhux kulħadd jintebaħ bid-differenzi li teżisti bejniethom. Hawnhekk għandek it-tifsira tal-kelma, hux nom jew aġġettiv jew verb jew element grammatikali ieħor u jagħti wkoll il-plurali. Uħud mid-definizzjonijiet huma itwal mill-oħrajn u tieħu gost tinnota li jirrispettaw l-intelliġenza tat-tfal.

L-illustrazzjonijiet ħa ħsiebhom Pierre Portelli li jagħmlu dan ix-xogħol tabilħaqq iktar fantastiku u hekk id-dizzjunarju jsir ukoll logħba.

Ħadt gost ninotta li l-prodott joqgħod attent ukoll għal dik it-tipa; element importanti ħafna fil-kotba għat-tfal. Anki jekk hawn illum min jiġi jaqa’ u jqum minn din ix-xjenza.

Personalment, kont ftit sorpriż li baqgħu barra kliem bħal nagħġa u mogħża li bosta tfal tant jitfixxklu għalkemm biex l-istorja tingħad kollha ġie nkluż imbagħad kliem bħal nagħsa. Imma nifhem ukoll mil-lat l-ieħor li l-eżerċizzju tal-ġbir tal-kliem mhux faċli apparti li d-daqs tal-ġabra joħloq ukoll ċerti restrizzjonijiet u limiti.

Dan ma jwaqqax il-valur tal-pubblikazzjoni. Id-dizzjunarju jirrispetta wkoll id-deċiżjonijiet riċenti tal-Kunsill Nazzjonali tal-Ilsien Malti u għalhekk min se jużah jista’ jserraħ rasu li t-tfal tiegħu qed jużaw il-Malti aġġornat.

Persważ li ħafna tfal u magħhom il-ġenituri se jsibu din l-għodda utli għax hu faċli ħafna biex jintuża. Il-ktieb hu mqassam bl-iktar mod komdu. Id-Dizzjunarju għall-Primarja joffri kliem adattat għat-tfal tal-primarja minn seba’ snin ’ il fuq.

Faxxikli fuq Education 22

L-istazzjon Education 22 se jkompli għaddej bil-programm Faxxikli. Dan id-dokumentarju qed jesplora l-istorja tal-Ktieb Malti. Forsi jkun hawn min jiddubita jekk nistgħux nitkellmu fuq storja tal-ktieb Malti imma l-volum ta’ Victor Fenech fil-Kullana Kulturali (tal-PIN) diġà wera li dan hu possibli. Għax biex wasalna sal-lum, hemm storja interessanti ta’ taqtigħ il-qalb, fallimenti, kuraġġ, esperimenti u suċċessi b’risq il-qawmien ta’ poplu. Faxxikli qed jipprova joħroġ dan il-mewġ sabiħ.

Faxxikli qed jesplora ġeneri differenti ta’ kotba Maltin u jidħol fl-istorja tagħhom. Qed jittieħdu wkoll kummenti u esperjenzi ta’ awturi, edituri, stampaturi u publikaturi li raw il-ġeneri differenti jiżviluppaw mill-qrib.

Fit-tieni sensiela, Faxxikli se jitfa’ l-lenti tiegħu fuq id-dizzjunarji, il-bijografiji, l-awtobijografiji, il-kotba tal-arti, il-Melitensia, ir-riċerka, il-kotba tal-ikel u l-kotba ta’ poeżiji.

Education 22 ixandar Faxxikli kull nhar ta’ Tnejn fl-10.00 p.m., il-Ġimgħa fis-1.00 p.m. u s-Sibt fid-9.00 p.m. Il-Ħadd fit-8.00 p.m. se terġa’ tixxandar l-ewwel sensiela ta’ Faxxikli.

Faxxikli għandu qari u riċerka ta’ Sergio Grech u produzzjoni eżekuttiva ta’ Horizons.

Il-Premju Letterarju tal-Unjoni Ewropea hu premju importanti ħafna li jingħata lil awturi emerġenti Ewropej u jgawdi prestiġju għoli ferm fl-Ewropa, b’mod partikulari hu prestiġjuż għal pajjiż żgħir bħal Malta fejn il-pubblikazzjonijiet letterarji bħala regola jiċċirkulaw biss fil-gżejjer tagħna u rari jixirfu lil hinn minn xtutna.

Il-premju jixħet l-attenzjoni tiegħu fuq kittieba emerġenti u għandu l-għanijiet li jenfasizza r-rikkezza enormi u l-kreattività tal-letteratura Ewropea kontemporanja fil-qasam tal-proża fittizja, li jippromwovi d-diversità sħiħa tal-letteratura Ewropea u li jistimula ċ-ċirkulazzjoni tal-letteratura fl-Ewropa. Billi jesponi x-xogħlijiet ta’ awturi barra minn pajjiżhom, jimmira wkoll li jikkontribwixxi biex titrawwem attitudni favur letteratura li tiġi minn barra l-pajjiż. Ix-xogħlijiet tal-awturi rebbieħa jitwasslu għand udjenza usa’ u internazzjonali u jolqtu qarrejja lil hinn mill-konfini nazzjonali u lingwistiċi.

Il-premju hu organizzat mill-Kummissjoni Ewropea u minn konsorzju magħmul mill-European Writers’ Council (EWC), il-Federation of European Publishers (FEP) u l-European Booksellers Federation (EBF) u hu wkoll ikkofinanzjat mill-Kummissjoni Ewropea flimkien mal-konsorzju msemmi. Il-European Writers’ Council, b’koperazzjoni mill-qrib maż-żewġ entitajiet imsieħba fil-konsorzju, hu responsabbli mill-organizzazzjoni tal-ġurija u l-proċedura tal-għażla f’kull wieħed mill-pajjiżi parteċipanti. Għal din ir-raġuni, l-Akkademja tal-Malti, li hi membru formali tal-EWC, ingħatat l-inkarigu li tikkoordina l-ħidma fuq livell nazzjonali u s-Sur Carmel Azzopardi, il-President tal-Akkademja, inħatar il-koordinatur
nazzjonali tal-proġett.

Fil-premju jipparteċipaw il-35 pajjiż Ewropew li huma msieħba fil-Programm Kulturali tal-Unjoni Ewropea. Dawn il-pajjiżi jinqasmu fi tliet gruppi.

Fl-2009 rebħu l-premju awturi mill-Awstrija, il-Kroazja, Franza, l-Ungerija, l-Irlanda, l-Italja, il-Litwanja, in-Norveġja, il-Polonja, il-Portugall, is-Slovenja u l-Iżvezja.

Fl-2010 rebħu l-premju awturi mill-Belġju, Ċipru, id-Danimarka, l-Estonja, il-Finlandja, il-Ġermanja, il-Lussemburgu, ir-Rumanija, is-Slovenja, Spanja u l-ex Repubblika tal-Jugożlavja.
Malta se tipparteċipa mal-grupp tal-2011 u magħha hemm il-Bożnija u Ħerżegovina, il-Bulgarija, ir-Repubblika Ċeka, il-Greċja, l-Iżlanda, il-Latvja, il-Liechtenstein, il-Montenegro, is-Serbja, il-Pajjiżi l-Baxxi, it-Turkija, u r-Renju Unit. Kull pajjiż jirbaħ il-premju darba kull tliet snin.
Il-ġurija fil-każ ta’ Malta hi ffurmata minn 5 membri: erbgħa minnhom ġew innominati mill-Akkademja u wieħed mill-Federation of European Publishers, li f’Malta hi rrappreżentata minn Dr Christopher Gruppetta.

Kull awtur rebbieħ jingħata €5,000 u x-xogħol tiegħu jingħata prijorità fl-iskema tal-Unjoni Ewropea li tiffinanzja t-traduzzjoni ta’ xogħlijiet letterarji. L-awturi rebbieħa jgawdu wkoll minn diversi attivitajiet promozzjonali; jingħataw pubbliċità qawwija fil-fiera internazzjonali tal-kotba ta’ Frankfurt u jkollhom coverage importanti waqt iċ-ċerimonja formali tal-għoti tal-premjijiet li ssir fi Brussell. Fl-2010 din iċ-ċerimonja saret fir-Royal Flemish Theatre u l-premjijiet tqassmu mis-Sinjura Androulla Vassiliou, il-Kummissarju responsabbli mill-Kultura, l-Edukazzjoni, il-Multilingwiżmu u ż-Żgħażagħ fil-preżenza ta’ numru kbir ta’ persuni prominenti mill-qasam tal-kultura, il-letteratura u l-politika.

Biex awtur jew awtriċi jikkwalifikaw għall-premju jridu jissodisfaw dawn iż-żewġ kundizzjonijiet:
1. ikunu ċittadini Maltin
2. ikunu ppubblikaw bejn 2 u 4 kotba (proża fittizja) biex jikkwalifikaw bħala awturi emerġenti

L-awturi Maltin m’hemmx għalfejn japplikaw. Il-ġurija se tieħu ħsieb tidentifika l-awturi li jikkwalifikaw u se tgħarbel ix-xogħlijiet tagħhom.

Il-ġurija trid tressaq ir-rapport finali tagħha sal-aħħar ta’ Ġunju 2011. Iċ-ċerimonja formali tal-għoti tal-premjijiet se ssir fi Brussell f’Novembru 2011.

Dan il-premju, li għandu l-appoġġ sħiħ tal-Ministeru tal-Edukazzjoni, se jagħti lil pajjiżna l-istess opportunità li tingħata lil pajjiżi ferm akbar minna u se joffri l-possibiltà li l-awtur Malti u x-xogħol rebbieħ tiegħu jkunu esposti fil-vetrina wiesgħa tal-Ewropa. Bla dubju se jagħti spinta enormi lill-awtur rebbieħ kif ukoll lir-rumanz Malti u lil-letteratura Maltija inġenerali.

Carmel Azzopardi
Koordinatur tal-Premju Letterarju tal-Unjoni Ewropea 2011

Bla dubju, l-indiċi tal-Kullana Kulturali tal-PIN, ilu mistenni minn bosta. Dan l-Indiċi Ġenerali tal-Kullana Kulturali, nistgħu nħarsu lejh, bħala t-tmiem tal-ewwl fażi u l-bidu tat-tieni tal-Kullana Kulturali.

Il-proġett, il-Kullana Kulturali, li minnu rajna 72 volum, fih innifsu kien wieħed ewlieni fl-istorja tal-pubblikazzjonijiet Maltin. Dan l-aħħar, il-pubblikatur tana aħbar sabiħa meta ħabbar li se jerġa’ jistampa l-volumi kollha u nklużi dawk li ilhom nieqsa u mixtieqa u fuq kollox il-volumi se jitilgħu għal mija.

Bla dubju, il-Kullana Kulturali, kien proġett li daħal fid-djar ta’ bosta għax ħafna sabu dak li tant jixtiequ u xtaqu: l-għerf f’ilsienhom. Dan għalija hu s-suċċess ewlieni tal-Kullana Kulturali.

Michael J. Schiavone u Charles Briffa rnexxielhom jiċċelebraw varjetà sħiħa ta’ suġġetti li jmissu magħna: il-poplu. Għax finalment, il-Kullana Kulturali hi l-istorja ta’ poplu; ta’ poplu li kiber u għamel diversi kisbiet matul il-mixja tiegħu.

Il-Kullana Kulturali sfidat il-mewġa li bosta drabi tħares lejn il-Malti bħala inferjuri biex tesprimi bih ċertu suġġetti. Il-Kullana Kulturali rnexxielha titkellem fuq l-arkeoloġija, ix-xjenza, il-fiżika, il-lingwistika u suġġetti oħrajn b’ilsienna.

Huwa impressjonanti kif fuq numru ta’ snin, Pubblikazzjonijiet Indipendenza sostnew proġett bħal dan u fuq kollox rajna kif Schiavone biddel din id-dar tal-kotba minn waħda umli għall-profil tabilħaqq għoli u ewlieni.

B’mod ġenerali, b’xi eċċezzjonijiet rari, il-volumi tal-Kullana Kulturali nkitbu minn idejn esperti li jafu s-suġġett tagħhom bl-iktar mod wiesa’ u dan hu wkoll ir-raġuni għas-suċċess. Il-glossarji fuq wara żgur li kienu ta’ għajnuna biex il-qarrej ikompli jikber fil-akkwist tal-għerf. Mill-Kullana ħarġet ukoll il-Kullana għat-Tfal; xpakkata b’disinn mill-aqwa. PIN jistgħu jiftaħru li din hi l-unika enċiklopedija bil-Malti li tiftaħ beraħ id-dinja enormi tal-għerf.

L-indiċi tal-Kullana nġabar minn Michael J. Schiavone u hu ta’ għajnuna kbira għal min irid ifittex u forsi ma jridx jaqra ktieb minn folja sa folja biex isib il-materjal li jixtieq. Għandek il-vantaġġ ukoll li usa’ ma jkun is-suġġett, usa’ wieħed jista’ jarah minn perspettivi differenti. L-indiċi tal-Kullana jiċċelebra dan l-ispirtu ta’ kisba.

Ħafna żgur se jkunu qed jistennew il-volumi li jmiss tal-Kullana Kulturali. Jalla ħafna iktar nies jersqu biex iduqu għerf il-poplu.

F’artiklu ieħor, fil-futur qarib, nitkellmu dwar id-Dizzjunarju Kulturali, ikkompilat mill-Professur Charles Briffa, li qed ikun ippubblikat ma’ dan l-indiċi.

Ċelebrazzjoni ta’ Belt Antika u Storika

L-istatwi, in-niċeċ, il-knejjes żgħar, il-funtani, l-arloġġi pubbliċi, il-monumenti u l-plakek tal-irħam huma l-mużajk li jsawru l-ktieb il-ġdid ta’ Michael Galea dwar il-Belt Valletta. Il-ktieb hu ppubblikat minn Allied Publications li ftit tal-ġimgħat tatna ktieb dwar Strada Stretta li kien suċċess fil-kamp tal-pubblikazzjoni lokali.

Galea huwa l-awtur ta’ diversi pubblikazzjonijiet fosthom Malta Ġrajjiet Storiċi, Malta Diary of a War, u ħadem fuq diversi bijografiji ta’ diversi Gran Mastri tal-Ordni ta’ San Ġwann li ħakmu fuq Malta fil-perjodu 1530 u 1798.

Il-ktieb Valletta huwa ċelebrazzjoni tal-belt fortifikata mibnija mill-Gran Mastru La Vallette wara l-Assedju l-Kbir tal-1565. Il-Kavallieri biddlu l-għera tal-għolja Xiberras f’belt Barrokka mimlija bl-istorja.

Dan il-ktieb ta’ Galea huwa mill-ġdid opportunità u stedina biex bil-kurżità ta’ turist niskopru l-ġmiel ta’ din il-belt li nbniet fuq disinn tal-perit famuż Francesco Laparelli.

Il-ktieb jiftaħ b’lista tat-toroq li sawru ġrajjiet il-Belt u kif dawn kienu magħrufa fi żmien il-Kavallieri, l-Ingliżi u l-Franċiżi.

Galea joffri tagħrif dwar statwi u niċeċ li jsebbħu dawn it-toroq li bosta drabi ftit jinnutawhom minħabba l-ħajja mgħaġġla tal-lum. Huwa jispjega li l-ewwel ħames statwi fit-triqat tal-Belt kienu saru minn flus il-Gran Prijur tal-Lingwa Ġermaniża.

Galea jħares lejn numru ta’ knejjes żgħar li nsibu fil-Belt. Uħud minnhom aktarx huma magħrufa biss min-nies tal-inħawi u minn dawk li jsegwu xi servizz reliġjuż fihom. Il-kanejjes li jikkonċentra fuqhom l-awtur huma tal-Vitorja, il-knisja ta’ Santa Luċija (li tinsab fi Triq il-Lvant), ta’ Santa Barbara, il-knisja ta’ Liesse, ta’ Santa Katerina, tal-Madonna tal-Pilar, ta’ San Ġakbu u ta’ Santu Rokku.

Aspett ieħor interessanti li Galea jiddiskuti fil-ktieb tiegħu huma l-funtani tal-Belt li warajhom bosta drabi hemm storja interessanti u mill-ġdid mhux dejjem magħrufa. L-ilma kien suġġett li l-Kavallieri kienu jagħtuh ċerta importanza. Biżżejjed tinnota li kull dar fil-belt Valletta kellu jkollha bir. Barra minn hekk sar proġett ambizzjuż minn Alof de Wignacourt biex il-Belt ma jonqoshiex dak il-likwidu prezzjuż.

Barra l-arloġġi tal-Belt, Galea jdur dawra mal-monumenti li jsebbħu l-belt u jinkludi wkoll il-plakek kommemorattivi li bosta drabi jfakkru persunaġġi jew waqtiet importanti fl-iżvilupp ta’ poplu.

Fost l-monumenti li Galea jikteb dwarhom hemm dawk li jfakkru lil Ġorġ Borg Olivier, il-Markiż ta’ Hastings, il-Patrijotti Maltin li nqatlu fl-17980, il-Monument tal-Assedju u Gerald Stricklnd.

It-test huwa illustrat bil-fotografija ta’ Jason Borg. Ta’ min niftakru wkoll li l-Belt fl-1988, ġiet dikjarata mill-UNESCO bħala belt ta’ kultura u ngħatat l-istatus ta’ World Heritage Site.

Il-kontenut ta’ dan il-ktieb jikkonferma li anki fiċ-ċokon jeżisti l-ġmiel. Dan il-ktieb hu ambaxxatur denju ta’ pajjiżna.

Premju Nazzjonali tal-Ktieb għall-Kotba ppubblikati fl-2010

Il-Kunsill Nazzjonali tal-Ktieb jixtieq jgħarraf lill-awturi u l-pubblikaturi li qed jilqa’ sottomissjonijiet għall-Premju Nazzjonali tal-Ktieb għall-Kotba ppubblikati fl-2010.

Hu importanti li d-data tal-pubblikazzjoni tkun tidher fil-pubblikazzjoni mressqa. Kotba mingħajr data fuqhom jiġu awtomatikament skwalifikati.

L-ewwel premju f’kull kategorija hu ta’ €700, trofew u ċertifikat waqt li t-tieni premju jikkonsisti f’€400 u ċertifikat. Għall-premju speċjali tat-traduzzjoni se jingħata trofew, ċertifikat u €500.

Il-kategoriji baqgħu l-istess bħas-sena li għaddiet.

Il-Kunsill Nazzjonali tal-Ktieb ifakkar li l-awturi Maltin biss huma eleġibbli li jieħdu sehem fil-premju.

Il-Kunsill Nazzjonali tal-Ktieb jirriserva d-dritt li jibdel il-kategorija indikata mill-awturi u/jew pubblikaturi, jekk fl-opinjoni tal-ġurija mqabbda għal dan il-għan, ix-xogħol ikun iddaħħal f’kategorija żbaljata mill-parteċipant.

Il-parteċipanti għandhom jibagħtu erba’ kopji ta’ kull pubblikazzjoni mressqa lis-Segretarju tal-Kunsill Nazzjonali tal-Ktieb, Librerija Pubblika Ċentrali, il-Furjana sa mhux iktar min-nofsinhar tal-Ġimgħa 29 ta’ April 2011. Ma jiġux aċċettati kotba wara d-data msemmija.

Min hu interessat li jieħu sehem jista’ jniżżel l-applikazzjonijiet mill-websajt www.ktieb.org.mt mit-taqsima Aġġornamenti.

Il-Malta University Press, f’tarf is-sena li għaddiet, ippubblikat La Stampa Periodica in Italiano a Malta ta’ Sergio Portelli. Dan il-ktieb jaf il-bidu tiegħu bħala teżi għad-dottorat tal-awtur.

Portelli jgħallem it-Taljan u t-Traduzzjoni fl-Università ta’ Malta. Għal dik li hi għalqa ta’ studju hu interessat fir-relazzjonijiet kulturali bejn Malta u l-Italja b’mod speċjali fil-letteratura u l-istampa.

Portelli hu l-awtur tal-ktieb A Bibliography of Nineteenth Century Periodicals in the National Library of Malta Collection kif ukoll ippubblika għadd ta’ artikli akkademiċi; kemm f’Malta kif ukoll barra.

Irid jingħadd, kif jirrimarka l-Professur Henry Frendo fid-daħla tal-ktieb, li dan is-suġġett interessa lil diversi storiċi bħal Bianca Fiorentino, Lorenzo Schiavone, Giuseppe Patti u l-mibki Giovanni Mangion li ħadem biex il-kultura Taljana f’Malta tkun magħrufa u apprezzata minn firxa wiesgħa.

Il-mertu ta’ Portelli hu li għall-ewwel darba, fejn jidhol dan is-suġġett, qed jiġi ppreżentat xogħol ta’ ċertu kobor u struttura fejn kollox hu msoffi mill-għajn kritika u studjata f’kuntest kif tixtieq u tesiġi d-dixxiplina storika. Ix-xogħol jista’ jiġi meqjus bħala ċelebrazzjoni ta’ akkademiku li jaf xogħlu sew. Ix-xogħol hu gwida għal min irid jieħu l-kitba akkademika bis-serjetà.

Ħarsa lejn il-bibliografija tal-ktieb turi kemm fittex u qalleb l-awtur u daħal fil-fond tas-suġġett. Ir-riċerka ma kinitx biss limitata għall-gazzetti imma ra diversi kotba oħrajn kif ukoll dokumenti primarji li għall-istoriku serju għandhom ċerta importanza.

Minbarra riċerka fil-Biblijoteka Nazzjonali u l-Arkivju Nazzjonali, l-awtur fittex ukoll fl-Arkivju Ċentrali tal-Istat Taljan (li jinsab f’Ruma), l-Arkivju Storiku tal-Ministeru tal-Affarijiet Barranin (li qiegħed Ruma wkoll), u l-Arkivju Nazzjonali Ingliż (li jinsab fi Kew u li hu magħruf għal servizz eċċellenti).

Il-ktieb tista’ tgħid li jippreżenta vjaġġ tal-iżvilupp tal-ġurnaliżmu Malti bit-Taljan mill-ewwel snin tal-Ingliżi f’Malta sat-tletinijiet tas-seklu għoxrin meta tmut il-gazzetta Malta ta’ Nerik Mizzi. Sadanittant, kien qed jiżviluppa wkoll ġurnaliżmu bil-Malti.

Wieħed ma jridx jinsa li bosta drabi hawnhekk qed nitkellmu fuq esperimenti li xi drabi kienu jmutu mhux wara ftit edizzjonijiet imma wara ħarġa waħda wkoll. Dan id-diskors jgħodd ukoll għall-ġurnaliżmu Malti bit-Taljan.

Matul is-snin, kif juri Portelli, żviluppaw relazzjonijiet interessanti ħafna bejn Malta u l-Italja u l-ġurnaliżmu Malti, li jibda b’saħħa wara l-1839, meta tasal il-libertà tal-istampa (qabel kien hemm tentattiv ukoll anki jekk żgħir biex il-ġurnali jitwieldu u jibdew fuq nota b’saħħitha), tista’ tgħid li kellu sehem dirett fl-iżvilupp tal-Italja fis-seklu dsatax meta minn pajjiż framentat, diversi forzi kienu qed jaħdmu biex il-peninsula tingħaqad. Qalb dik il-komunità ma naqsux ukoll intelletwali barranin bħal Zauli Sajani.

Irid jiżdied il-punt li naħseb li hu importanti li l-wasla tal-Ingliżi ma ġabitx xi qalba kbira f’dik li hi kultura. Malta kien mgħaddsa f’kultura Taljana fl-1800 u tista’ tgħid li riedu jgħaddu għadd ġmielu ta’ snin meta jittieħdu passi konkreti favur l-angliċizazzjoni.

Il-Knisja nnifisha kienet mgħaddsa fil-kultura Taljana u t-Taljan kien ilsien tagħha. Imma għall-bidu l-Knisja uriet antipatija lejn l-istampa ħielsa minħabba li beżgħet li l-istatus quo tagħha jiġi mhedded bil-libertà tal-istampa.

Dan kollu hu dokumentat, bl-iktar mod ċar, fil-ktieb La Stampa Periodica in Italiano a Malta ta’ Sergio Portelli li fl-istess ħin qed joffri storja ta’ żvilupp tal-istampa u l-istamperiji f’Malta. Filfatt jirreferi per eżempju għal żmien l-Ordni ta’ San Ġwann meta ċ-ċensura kienet stretta u meta l-Gran Mastru, l-Isqof u l-Inkwiżitur kienu jagħtu bejniethom min se jikkontrolla ċ-ċensura.

Portelli juri kif darba li l-unità tal-Italja tinkiseb il-gazzetti bit-Taljan Maltin jduru fuq materji lokali u fost l-oħrajn jibdew jopponu lil Gerald Strickland li fehem ukoll li l-istampa kienet importanti jekk ried jimxi fil-politika.

Portelli jiddedika ukoll kapitlu interessanti għar-rivisti letterarji bit-Taljan li ħarġu mill-Maltin li wħud minnhom kellhom ċertu livell intelletwali fosthom La Brigata u La Crociata.

Dan il-ktieb jingħaqad ukoll ma’ sensiela oħra ta’ pubblikazzjonijiet Maltin bl-ilsien Taljan li ħarġu u għadhom joħorġu minn żmien għal ieħor. Awturi bħal Joseph M. Brincat, Henry Frendo u Arnold Cassola taw il-kontribut tagħhom fil-ktieb akkademiku. F’dik li hi poeżija ma naqasx il-kontribut ta’ bosta fosthom tal-mikbi Vincenzo Maria Pellegrini.

Dan il-ktieb aktarx mhux għall-massa imma hu kontribut enormi biex il-pajjiż jagħraf fażi interessanti mill-istorja tiegħu. Dawk kollha li huma interessati fir-relazzjonijiet bejn Malta u l-Italja ma jistgħux jgħaddu mingħajru.

Storja ta’ Evoluzzjoni

In-National Statistics Office huwa pulmun importanti fil-ħajja ta’ pajjiżna. Dan l-uffiċċju tista’ tgħid li jinterpreta biċ-ċifri l-iżvilupp fit-tendenzi tal-poplu tagħna. Hu ċentru mill-iktar attiv li joffri opportunità biex nagħrblu l-ħajja tagħna, bit-tlugħ u l-inżul, b’għodda xjentifika.

Fuq kollox, minbarra l-iżvilupp u ħarsa fil-preżent, biex nikbru fil-futur, hemm ukoll l-opportunità, bil-ħidma tal-NSO, li nħarsu lejn il-passat u nifhmu kif waslet l-evoluzzjoni tal-lum. Għax finalment dak hu wieħed mill-għanijiet tad-dixxiplina storika. Xi ftit jew wisq, nixtiequ jew ma nixtiqux, kollox irid jgħaddi mill-miżien tal-istorja.

Għax, kontra għal li jimmaġinaw xi wħud, l-istatistika tinġabar, ukoll, biex analisti, storiċi, soċjoloġiċi, ekonomisti u l-kumplament mhux biss jinterpretaw il-preżent imma anki biex iħarsu lejn il-passat.

Kienet deċiżjoni għaqlija mid-direzzjoni tal-NSO li tipprovdi l-istorja ta’ din l-istituzzjoni li kuntrarju għal li nista’ naħsbu mhix fenomenu modern li beda fl-aħħar snin.

Catherine Vella hija l-awtriċi tal-ktejjeb Malta’s Statistical Institute A Concise History li mingħajr dubju fliet diversi volumi biex setgħet tasal għal din il-ġabra qasira imma kompatta.

Hu interessanti ninuttaw li uffiċjalment l-idea tal-Uffiċċju Ċentrali tal-Istatistika tmur lura għall-1947 (fi żmien xejn pjaċevoli meta Malta kienet qed taħdem biex tqum mill-effetti tat-Tieni Gwerra Dinjija). Fl-istess waqt tajjeb ninuttaw li l-Ingliżi kien ħadu l-ewwel Ċensiment tal-Popolazzjoni fl-1842; tradizzjoni li titkisser biss bit-Tieni Gwerra.

Il-Kaptan Ġorġ Stivala kien l-ewwel wieħed li mexxa l-uffiċċju u miegħu kellu staff ta’ tlieta. Sena wara l-istess uffiċċju għamel ċensiment. Il-qarrej japprezza l-importanza ta’ dak id-dokument fil-kuntest storiku tiegħu.

Sadanittant Stivala kien ippubblika wkoll l-ewwel edizzjoni ta’ Statistical Abstract of the Maltese Islands (1947).

Mir-riċerka ta’ Vella joħroġ ukoll li kien hemm żminijiet meta l-Uffiċċju Elettorali u l-Istamperija tal-Gvern kienu jaqgħu taħt dan l-uffiċċju. Il-qarrej ta’ dan il-ktieb se jsib ħafna ħwejjeġ interessanti u se japprezza kif fil-passat bl-impenn saru kisbiet interessanti li bl-għajnejn tal-lum faċilment jista’ jitieqsu miraklu meta tqis kollox.

L-unika oġġeżżjoni li għandi hi l-ktieb m’għandux riferenzi (footnotes jew end notes) għalkemm jipprovdi biblijografija u notamenti oħra ta’ x’fonti ntużaw. Personalment, kont nippreferi s-sistema tal-footnotes f’kull paġna li tindikalek it-tagħrif minn fejn inġabar anki jekk il-pubblikazzjoni hija ta’ inqas minn erbgħin faċċata. Hu minnu wkoll li aktarx l-għan ewlieni tal-pubblikazzjoni hi biex kemm jista’ jkun iressaq il-poplu lejn l-uffiċċju u għalhekk ittieħdet din id-deċiżjoni.

Jekk forsi xi darba jkun hemm riedizzjoni ta’ dan il-ktieb, nemmen li ma jagħmlux ħażin jekk jiżdiedu xi ritratti.

Teżisti wkoll verżjoni online tal-ktieb. Jalla dix-xorta ta’ ktieb tkun l-ewwel minn sensiela. U jalla iktar entitajiet fi ħdan jew barra il-gvern joħorġu kitbiet li jirreġistraw il-passat tagħhom.

Il-Kunsill Nazzjonali tal-Ktieb jixtieq jgħarraf lill-awturi u l-pubblikaturi li qed jilqa’ sottomissjonijiet għall-Premju Nazzjonali tal-Ktieb għall-Kotba ppubblikati fl-2010.

Hu importanti li d-data tal-pubblikazzjoni tkun tidher fil-pubblikazzjoni mressqa. Kotba mingħajr data fuqhom jiġu awtomatikament skwalifikati.

L-ewwel premju f’kull kategorija hu ta’ €700, trofew u ċertifikat waqt li t-tieni premju jikkonsisti f’€400 u ċertifikat. Għall-premju speċjali tat-traduzzjoni se jingħata trofew, ċertifikat u €500.

Il-kategoriji baqgħu l-istess bħas-sena li għaddiet.

Infakkru li l-awturi Maltin biss huma eleġibbli li jieħdu sehem fil-premju.

Il-Kunsill Nazzjonali tal-Ktieb jirriserva d-dritt li jibdel il-kategorija indikata mill-awturi u/jew pubblikaturi, jekk fl-opinjoni tal-ġurija mqabbda għal dan il-għan, ix-xogħol ikun iddaħħal f’kategorija żbaljata mill-parteċipant.

Il-parteċipanti għandhom jibagħtu erba’ kopji ta’ kull pubblikazzjoni mressqa lis-Segretarju tal-Kunsill Nazzjonali tal-Ktieb, Librerija Pubblika Ċentrali, il-Furjana sa mhux iktar min-nofsinhar tal-Ġimgħa 29 ta’ April 2011. Ma jiġux aċċettati kotba wara d-data msemmija.

Min hu interessat li jieħu sehem jista’ jniżżel l-applikazzjonijiet mill-websajt www.ktieb.org.mt mit-taqsima Aġġornamenti.